2016年5月21日，今朝起身就落樓下食早餐，好豐富
仲有我鍾意食嘅牛角包添！
食完之後就搭巴士去威尼斯島寄明信片同行街
寄完信就行去Santa Lucia火車站，諗住睇吓法拉利火車有幾靚
不過見唔到法拉利火車，但都有時速超過300公里嘅意大利高鐵Frecciarossa，俗稱紅箭
亦有一D地區性火車
仲有雙層列車
車站隔籬係建於1934年嘅Ponte degli Scalzi)
赤足橋橫跨大運河，可以望到San Simeone Piccolo教堂
之後行去買香料同意大利米，媽咪上次買過，話好正，今次落咗order要買
買完香料就行街市，要經過尖塔橋Ponte delle Guglie
尖塔橋下面係繁忙嘅航道，仲有好多海鷗飛來飛去
除咗新鮮食物，路上都有唔少熟食舖頭
行完街市就行返羅馬廣場，途中有間教堂Chiesa di San Geremia都好多人行入去睇，不過我哋冇乜時間，冇入去睇
喺羅馬廣場搭巴士返Mestre嘅酒店退房同搵車去我哋嘅歐洲第二站：斯洛文尼亞首都盧布爾雅那(Ljubljana)。
返酒店退房，然後行出路口，就見到依架DRD嘅小客車，即刻問個司機係咪去Ljubljana？佢話係，問我哋有冇訂位？我話冇，佢話都OK可以照上。我之前仲驚好難塭依架車，因為每日都只係得11:50一班車，又驚滿座，點知一行出酒店就見架車，仲冇乜人坐，同車只係得個日本妹咋。不過架車跟住去馬可波羅機場接咗兩個客，去到斯洛文尼亞境Nova Gorica又上多幾個客，不過都未滿客吖。
過境前換定依張中國聯通嘅sim card，鴨寮街買,280蚊一張，張卡可以覆蓋歐洲33個國家(包括東歐)，用過之後覺依張卡好用過誠哥嗰張，過境時唔洗set嘢，自動追台同轉台，不過缺點係data得1G，要慳住用。
由意大利過斯洛文尼亞係完全冇關卡，唔係睇住google map就過咗都唔知，我哋坐咗兩個鐘就去到依個叫Ravbarkomanda嘅汽車站，司機話可以落車去吓廁所，我就影吓相啦
個汽車站有便利店同有間小餐廳，可以比人食吓嘢
大約3點鐘就到咗盧布爾雅那嘅長途汽車站，就係火車站出口
跟住喺長途汽車站買埋聽日去Lake Bled(碧湖)嘅套票，即係來回車票加Bled Castle嘅入場券
由車站約行5分鐘就到我哋依兩晚嘅酒店，Central Hotel
間房都好大同唔錯吖
攞咗房之後就行出酒店，見到不遠處有間教堂幾靚咁，咪行去睇吓囉，原來依間係Cerkev Srca Jezusovega，即係聖心教堂。不過佢門口整緊路，行唔到入去睇
喺教堂側邊有個跳蚤市場，我哋都睇咗一陣
行到有一檔應該係D有機食品，仲叫我試食添
喺歐洲好多建築物嘅外牆都有塗鴉，D屋主又好似冇乜計較咁
行行吓咁都見到中菜館
盧布爾雅那仲有好多小巷都好得意
龍橋(Zmajski most)，横跨流經市內夠盧布爾雅那河，始建於19世紀，但於1895年的地震被毀，再於1901建成現時的模樣
河堤的草叢上長南好多虞美人花(poppy)
龍橋上的四角都有飛龍的雕像
飛龍係盧布爾雅那市個象徵，市徽同水渠蓋都有佢嘅蹤影
喺龍橋前面就係露天市場，不過我哋嚟得晏，攤檔已收得大部分
我哋又買士多啤梨，十零蚊港紙一大盒，正！
露天市場旁的屠夫橋(Mesarski most)
依條橋好多情人鎖
連橋上裝飾嘅青蛙雕塑都唔放過
橋上的雕像
沿住盧布爾雅那河邊嘅長廊，由龍橋到屠夫橋再到三重穚
盧布爾雅那市內好多露天茶座，D人叫杯嘢飲就坐足幾個鐘
普雷雪倫廣場，係盧布爾雅那市中心的大廣場，位於三重橋前面
這個雕像，前面就係斯洛文尼亞浪漫詩人普雷雪倫，後面係希臘神話中主管藝術嘅女神繆斯
聖方濟教堂
喺教堂前巧遇今日同我哋同車嚟盧布爾雅那嘅日本妹
行過三重橋就係建於1718年嘅市會堂
市會堂廣場上的三河噴泉(Robba Fountain),係意大利雕塑家Francesco Robba於1751年的作品，三個噴水口代表斯洛文尼亞的三條主要河流，亦係盧布爾雅那市的代表建築
噴泉後面係雙塔建築物似聖尼古拉教堂，亦稱盧布爾雅那
教堂的正門
教堂內金碧輝煌
天花上的壁畫
教堂嘅側門
睇完教堂之後再行上山上嘅盧布爾雅那城堡，盧布爾雅那市唔大，大多數景點集中喺舊城區，全部可以行去
上山可以搭纜車或者行路，我哋揀行路，沿住斜路向山上行，約15分鐘就可以上到，不過都幾索氣
行完斜路就上到盧布爾雅那城堡，城堡建於16至17世紀，在城堡上可以俯瞰整個舊城區
圓形嘅羅馬式城塔
城堡嘅入口
城堡內有餐廳同商店，營業到晚上十點
城樓上可以見到普雷雪倫廣場同三重橋，不過依個角度只係睇到一條橋
纜車站
城堡內嘅小教堂
臨走前影番張相先
城堡花園嘅薰衣草有蜜蜂採蜜
落咗山後再到處行吓
盧布爾雅那市內都好多街頭藝術品
市內嘅法國革命廣場，竪立了一支拿破崙紀念柱，柱上鑲有拿破崙的雕像，是法國以外地方唯一的拿破崙紀念像，是斯洛文尼亞人紀念拿破崙對他們的貢獻。
事沿當時斯洛文尼亞是奧地利的屬地，奧地利不准斯洛文尼亞人說斯洛文尼亞語，但拿破崙席捲歐洲時擊敗奧地利後，恢復斯洛文尼亞人可以說斯洛文尼亞語，所以斯洛文尼亞人都非常感謝拿破崙，否則現時世界上就可能冇斯洛文尼亞依個國家。其實要消滅一個民族或者國家，必先消滅佢哋嘅語言同文字，依家香港推行「普教中 」就係行緊依條路
法國革命廣場旁邊就係盧布爾雅那大學
我哋行返去屠夫橋前嘅Most餐廳食晚餐，好好味
食食吓唔知點解有人放煙花，不過未天黑影唔到
食完就行返酒店，沿途D夜景都幾靚
留言列表
