2015年7月10日，今日天氣終於轉好，趁細路未起身，我自己一個人出去行吓先，首先走咗去酒店斜對面嘅尾山神社睇吓先
尾山神社係建於1873年，1875年完工
尾山神社最出名就係依個神門，集合中、日、洋式建築風格，1950年起已登錄為國家重要文化財
手水舍
拜殿
尾山神社嘅主祭神係前田利家，佢係戰國名將，亦係豐臣家五大老之一，地位僅次於徳川家康
神社內的攝社「金谷神社」，係祭祀前田利家的後人
神社内嘅神苑
然後行去酒店後面嘅長町武家屋敷
由1583年前田利家獲豐臣秀吉封到金澤城後，到1868年的280年間，金澤一直都係前田家嘅領地。香林坊後面嘅長町就是前田家的家臣和武士的居住地
雖然自明治天皇推行「廢藩置縣」政策後，大名和武士要將領地還給朝廷，但是這些狹窄的小路、土牆、長屋門等歷史建築遺跡還是被完整地保存下來。
睇完武家屋敷之後就行返東横Inn食早餐
食完早餐同退房之後，我哋就行去金澤城公園，入面有間紅磚屋係石川四高記念文化交流館
可能落咗幾日雨，喺佢前面嘅草地上，有好多菇長咗出嚟
有D仲生到好大隻添
依個係玉泉院丸庭園，係典形嘅日式庭園
睇完玉泉院丸庭園之後就行上金澤城嘅二の丸廣場，依個城好新淨、白雪雪、好靚。
喺二の丸廣場望向長方形的金澤城，左邊嘅城郭叫菱櫓，右邊係橋爪門續櫓，中間由五十間長屋連埋一齊。
金澤城由前田利家建於1580年，一直到明治維新前都係前田家嘅居城，明治收歸國有後曾被大火燒毀，1999年開始重建，2008年成為國家指定史跡，目標是成為世界遺產(咁大想頭？)。
城入面都好新浄，仲全部用木砌成
佢仲介紹係用入榫方式砌成，唔洗用釘架。
我哋都可以玩下架
喺菱櫓的窗向外望，前面草地就係三の丸廣場，右面就係兼六園
由橋爪門續櫓的窗口向外望，可見到護城河同左面嘅石川門，前面嘅庭園就係鶴の丸廣場
石川門係金澤城另一個出入口，可通向兼六園
橋爪門二の門
橋爪門續櫓
五十間長屋嘅外牆，有落石口同用作發射火槍嘅格仔窗
睇完金澤城，芊芊喺三の丸廣場，後面有個怕晒嘅媽咪
出咗石川門，行過對面就係兼六園嘅入口
兼六園被稱為日本的三大名園之一，始建於1676年(延寶3年)，由加賀第5代藩主前田綱紀開始、前後共170年才完成，另外兩個名園係水戶嘅偕樂園同岡山嘅後樂園。
一行入去就係一大片櫻花樹，四月嚟就正咯。
兼六園嘅特徵係仍保留著江戶時代嘅回遊林泉式庭園，而依個喺霞の池邊嘅兩腳石燈籠就最出名，亦係金澤市嘅標誌
一場嚟到點都要喺石燈籠前嘅虹橋影番張相先
在霞の池另一邊嘅內橋亭
鶺鴒島
撞啱有人喺園內影結婚相
芊芊同新娘影番張先
兼六園嘅名稱原來取自中國宋朝詩人李格非的 ‘洛陽名園記’ 所描述的名園六種特質, 隐逸; 宏大; 造景; 蒼古;水泉;眺望，雖然我就唔係咁識欣賞依六種嘢，不過園內D風景真係好靚，連紅葉都比我揾到
最後睇埋園内現存最古老嘅建築物，瓢池上嘅夕顏亭（建於1774年）同海石塔
睇完兼六園就行去金澤21世紀美術館
2004年開幕嘅金澤21世紀美術館，係金澤市嘅地標建築物，由女建築師妹島和世設計，亦令她獲得當年威尼斯建築雙年展嘅金獅獎
金澤21世紀美術館外形呈圓形，只有地面同地下兩層，外圍並非實牆，而是透明的落地玻璃，設計概念係飄浮的海島
雖然美術館唔係好多燈，但落地玻璃加上白牆，令到室內光線都足夠
美術館最出名嘅展品就係依個「泳池」，由阿根廷觀念藝術家林德羅埃利希 Leandro Erlich設計，其實泳池的水深只有幾寸，巧妙之處係人可以行入池底，令人有置身泳池內的感覺。
館內可以搭似部透明升降機落去地庫嗰層
其實每層都有幾個展廳，不過我哋冇乜時間，行咗一個圈就走啦
睇完晒之後，就返東横Inn囉行李，再搭巴士返金澤駅
路上嘅渠蓋
約15分鐘就去到金澤駅
金沢駅東口前嘅木造大門『鼓門』，我覺得有D似凱旋門
我哋用高山北陸pass入閘
去車站人面嘅7仔買便當上車食，唔知點解買便當有獎抽喎，個店員仲同我哋叮番熱個便當添
搭サンダーバード(Thunderbird)30號落大阪
7仔買嘅牛肉飯，都好好食
頭先芊芊抽中嘅白桃果凍
搭特急火車通常第一排座位有得叉電
約2個半鐘就去到大阪，再轉JR大阪環狀線去天王寺駅
出駅後就見到近鐵阿部野ﾊﾙｶｽ
今次我哋又係住天王寺東横Inn，我哋3個月前先住過
囉咗房後同芊芊走去行Animate買動漫嘢，跟住行去Jan Jan横丁，依間串燒店仲係咁好生意
Jan Jan横丁係位於一個叫做新世界嘅老區，因為一百年前依度係新開發區，所以叫新世界，一百年後已經變成破舊嘅老區，得D老人家出入。
連D餐廳都冇乜人幫趁
芊芊幫趁吓部扭蛋機啦
通天閣
不過今次我哋冇上去
沿通天閣本通行去関西嘅秋葉原～日本橋
芊芊又買佢D動漫嘢
行完就去食餃子の王將
食完就去千日前同難波
最後去埋影固力菓人就返酒店
留言列表
