2011年4月8日,今朝起身落酒店樓下食自助早餐,又係D大路嘢。不過有個牌叫人唔好攞得就攞,要食得晒至好攞,仲有唔好帶走!不過係用簡筆字嚟印,對象係乜?心照啦!跟住行落美麗島捷運站搭車,站內有間美麗島會廊,係賣D同大學合作嘅產品!
有檔『花媽小舖』,睇落有D似卡通片『花師奶』,原來係高雄市長陳菊嚟嫁!
响捷運站入面,有D老師帶D小學生嚟睇『光之穹頂』。
之後又去夢時代買『鴨仔車』飛啦!
鴨仔車嚟啦!
我哋搭12點嗰班,由夢時代出發,沿市內馬路去愛河旁嘅光榮碼頭下水,遊愛河一圈,然後上岸返回夢時代。
鴨仔車落水變鴨仔船。
欣賞愛河兩岸景色。
又變返鴨仔車嘞!
約一個鐘就返到夢時代,跟住就搭35路公車去高雄唯一離島--旗津島。
第一站就係風車公園
依個公園在海邊,成日都好大風,所以整咗幾個風車嚟發電比返依個公園用。
行完風車公園就去『萬二小吃店』吃午餐,NT$100一碟,白飯任裝,抵食!
跟住就搭車去旗後燈塔,係1918年日本人擴建的,係高雄三級古蹟。
响山上可以望到高雄港。
然後就行去旗後炮台,依個係清朝年間建成,依家係高雄二級古蹟。不過都冇乜嘢睇,最有紀念價值就係依個『威震天南』嘅牌,因為响甲午戰爭時被日軍打去了『威震』兩個字而最出名。
炮台咐近有好多防空洞,D人好鍾意行入去睇吓!
响炮台上面仲可以望到全個旗津島。
睇完之後就搭返船去高雄
過海之後就行去漁人碼頭睇日落。
我哋就响依間咖啡館,飲住嘢睇日落。
睇完日落就搭捷運去鹽埕埔站,再行去搭愛之船,夜遊愛河。
一邊遊船河、一邊欣賞愛河雨岸夜景,好嘆嫁!
遊完船河再行去號稱『觀光客最愛』的六合夜市。
依個夜市本地人唔多,反而遊客就好多,尤其係大陸客。
我哋去試吓食『過魚』,即係香港人叫嘅『龍躉』囉。咁大個人都未食過龍躉,咁咪當試吓龍躉咩咪囉!
媽咪叫咗過魚生魚片,即係龍躉魚生,不過媽咪話唔係咁好食啫。
我因為唔食生嘢,所以叫咗過魚粥。又幾好食喎!
行完夜市就行返酒店,早D瞓,聽日上阿里山!
留言列表