close
2010年8月25日，今日天氣又係白濛濛，無辦法啦，唔落雨都算好嫁嘞！
首先去睇『金鞭溪』，我覺得咪係山溪一條，冇乜特別吖？
我哋沿住溪邊嘅小路行，古木參天，幾舒服吖！
有D路有D『梅花樁』比人玩，兩個女又行得幾開心喎。
皓怡同其中一個團友影返張合照。
路上又有唔少D乜乜石、物物岩之類，我D記性又唔惦，都唔記得乜囉......
响溪邊見到好多豆娘，D色好似『阿凡達』D生物咁色，好靚喎！
行完『金鞭溪』後再搭吊車上『黃石寨』，不過同琴日一樣，行行吓就入咗嚿雲道，白濛濛一片，乜都睇唔到！
上到山上面，全部都係霧，影返張相算啦。
下晝食完飯後就睇最後一個自費景點『龍王洞』嘞。
龍王洞係一個鐘乳石洞，好大、好深，加埋D燈光，幾好睇嫁！
睇完龍王洞之後，就搭車返長沙過夜，中途停响常德行『步行街』，即係香港嘅行人專區。响依道我搵到D冇鎖嘅wifi可以偷偷地咁上網添，不過D外國網站好似facebook咁都上唔到吖>.<，得D爛鬼新浪網就得......晒氣
文章標籤
全站熱搜
留言列表
