2017年7月7日，今朝又搭火車去大宮，然後轉東北新幹線去仙台
全程唔洗兩個鐘就到咗仙台駅，其實我本來plan咗直上弘前，不過芊芊話想去仙台嘅Animate cafe食「進擊的巨人」餐(最後今日)，所以臨時改行程囉。
喺仙台駅有行人天橋去Animate cafe，經過Hotel Metropolitan嘅門口時，見到仙台七夕祭嘅裝飾くす玉(藥玉)好靚，影吓相先。
喺日本七夕自明治維新後，基本上已改為新曆7月7日，唯有仙台七夕係用農曆(但現時已改為新曆8月6至8日)。
身為動漫迷嘅芊芊，嚟到Animats cafe梗係開心啦
今日特飲～調查兵團latté
餐廳入面冇乜客，連埋我哋只得三枱
店內貼咗D進擊的巨人海報同紙板公仔比人影相
芊芊最鐘意嘅兵長
開餐咯
芊芊食嘅意粉餐，有一個遊戲，要著住條紙圍裙嚟食，食完個餐如果條圍裙冇整污糟，就有禮物一份
代表調查兵團嘅自由之翼
食完午餐就搭返新幹線去新青森駅，唔洗兩個鐘就去到，站內有好多青森縣嘅傳統紙燈籠嚟做裝飾
跟住轉奧羽本線嘅電車去弘前
約45分鐘就到咗弘前駅
出咗站就見到我哋今晚嘅酒店～東横Inn弘前駅前
擺好行李之後就返火車站等巡迴巴士去淡島神社
我哋喺さくら野百貨(櫻野百貨)弘前店落車，落車後我通常都習慣影吓個站牌，睇吓一陣搭車走嘅時間，不過弘前喺唔係大城市，好早就冇巴士，今晚玩完宵宮夜祭都係要行路走返酒店咯。
依間喺間大型百貨公司，我哋入去行吓睇吓，有花火棒賣喎
最後我哋買咗個網紋瓜今晚食
今晚係七夕，喺淡島神社有宵宮祭，D人都著得靚靚去祭典
弘前淡島神社係一間好細形嘅神社，網上佢嘅資料都唔多
日本神社嘅神壇，通常都唔會有神像，只係會有一面镜
神社外面就係今晚嘅宵宮祭會場，有大約20檔檔口，有得食，有得玩，有D似香港嘅廟街
小朋友最開心就係買玩具
每逢祭典都有得撈金魚，我就諗起小丸子撈金魚。
我哋買咗D花火棒(滴滴金)一陣玩
我地買完花火棒就去附近嘅長四郎公園玩放花火
東風夜放花千樹 更吹落 星如雨
玩完之後就返酒店樓下嘅福福屋食晚餐
福福屋係一間飲食集團連鎖店，全日本都有好多分店，所以D嘢食都冇乜特別差或好，不過不失啦。芊芊就話D小店嘅嘢好食D，但要識日文先得吖，因為佢哋多數都只係得日文(連漢字都少)餐牌，仲連圖都冇呀！
今晚宵夜食網紋瓜，好甜好好食
留言列表
