2024-4-8，今朝行去酒店咐近嘅辰野川，依度河邊嘅櫻花都算出名，當地人稱為辰野川櫻街道。
行埋去咐近嘅寺院睇吓。
依啲佛寺多數都係兼做墓園。
龍華山等覺寺，係伊達家嘅墓所。
行完之後就返酒店食早餐。
super hotel特色係自家製麵包。
宇和島super hotel獨家限定：「じやこ天」，類似香港嘅炸魚餅，係宇和島地區嘅特色鄉土小食。據說以前當地漁夫撈到啲雜魚，見賣唔到錢，於是就切除頭同內臟，然後攪碎，跟住放入個模度，攞去炸，就叫「じゃこ天」。都幾好食㗎。
食完早餐就搭JR去八幡浜駅。依度係新海誠電影鈴芽之旅(すずめの戸締まり)嘅場景之一。
JR八幡浜駅，我哋就喺依度搭巴士去八幡浜港。
大約15分鐘就去到八幡浜港。
八幡浜港碼頭。
即刻入去買去九州嘅船飛，其實我都係睇完鈴芽之旅後先知依度有船去九州。
八幡浜市係鈴芽之旅嘅場景之一，碼頭入面有鈴芽之旅嘅災難之門俾人打卡。
八幡浜港碼頭
碼頭側邊嘅街上
夠鐘上船啦
我哋搭嘅係宇和島運輸株式会社。船名叫「れいめい丸」，係2022年6月先下水嘅新船。船上有兩層載客同一層載汽車。
今日冇乜車過海。
載客層有幾種唔同嘅客艙，一個價錢任坐。
我哋揀咗可以躺平嘅位，可以舒服啲。
船上有小型餐廳可以食吓嘢。
買咗個八幡浜碗麵食吓，都有「じやこ天」㗎。
仲有一層露天甲板，不過今日天氣唔好，有小小風雨，睇吓就走返落船艙。
航程圖
大約三個鐘就去到九州嘅別府港。
別府港碼頭側邊就係別府交通中心。
別府交通中心入面有巴士站、渡輪信售票處、土產店同餐廳。
喺別府交通中心買咗張龜之井巴士公司出嘅「別府巴士2日券」，依張券可以兩日內任搭別府市內巴士，仲可以搭埋去湯布院(由布院)添。
喺交通中心搭巴士去別府駅前super hotel。
大約15分鐘就去到別府駅前super hotel。
Super Hotel最正係有天然温泉浸。
擺低行李之後就行去別府駅搭巴士去湯布院(由布院),。
別府係出名嘅溫泉鄉，火車站前有免費手湯。
搭巴士去湯布院(由布院)。
大約一個鐘就去到湯布院嘅岳本駅，落車後沿住湯の坪街道行去湯布院花卉村。
中途經過湯布院昭和館，一個以昭和年代裝飾嘅主題館。
湯布院花卉村YUFUIN FLORAL VILLAGE，係湯布院一個充滿童話風格嘅主題園區。園區内好多特色小店，魔女宅急便、貓頭鷹之家等，好多遊客嚟打卡。
去snoopy茶屋飲下午茶。
飲完就行去金鱗湖。
金鱗湖嘅湖水由於有温泉水流入，所以喺冬天嘅早上，湖面會蒸氣升起，好似仙景咁。
睇完金鱗湖就行去睇隈研吾設計嘅COMICO ART MUSEUM YUFUIN美術館)。
外觀好似啱啱俾火燒完嘅COMICO ART MUSEUM YUFUIN美術館，係日本建築師隈研吾2017年嘅作品。
建築美術館嘅木材係經過「燒杉」處理，「燒杉」係一種日本獨有嘅傳統建築法，係將木板經過人工燃燒後喺表面形成一層碳層，就會增加佢嘅耐用性。
依間係COMICO ART MUSEUM YUFUIN美術館嘅新館，2022年落成，亦都係隈研吾嘅作品。
睇完COMICO ART MUSEUM YUFUIN美術館就行去「大分川岸攖並木」睇櫻花。
睇完大分川岸桜並木就行去由布院駅，通常嚟由布院嘅遊客都喜歡喺福岡搭「由布院之森」列車嚟依度。
不過我就唔係搭火車，而係搭巴士返別府(因為有2日pass)。
返到別府就去「別府炭焼亭ちはら」食燒肉。
食完燒肉就去別府塔，別府塔於1957年5月10日建成。當時高90米，係作為電波塔使用，展望台位於55米位置，後来喺2023年大整修時加咗支10米嘅避雷針，變成100米。
以香港標準嚟講，位於55米嘅展望台濕濕碎啦，好多人屋企都高過佢。
展望台有間小型神社。
有小量遊樂設施。
請先 登入 以發表留言。