家
2010年1月19日,因為要行落去山谷道玩雪,所以我哋都要換上『雪裝』啦!
何先生帶我哋行落積雪嘅山谷玩雪,玩得勁開心。
玩完一次又一次,但其實危機正悄悄地走近......
媽咪都玩埋一份,又係玩完一次又一次!
玩完兩轉,媽咪就話頭暈、又話好似抖唔到氣咁......而我都覺得有D頭痛同喘氣......原來我哋玩得太盡,引發高山症發作。何先生話這裏3千多米高,是有些人會有高山反應嘅。他叫我們放慢動作、盡量抖氣......
抖咗陣,好似好D嘞,媽咪都話冇咁暈。一於唔好玩咁盡,影吓靜態嘅冰晶啦!
其實影吓D靜態嘅雪影都幾好吖。
遠山的雲霧景色就像一幅撥墨山水畫。
但一路影D高山反應一路都冇消失,我越來越頭痛。何先生可能知我哋唔多惦,所以車返我哋落昆陽,然後叫咗個薑母茶比我哋飲。可能依道海拔低D啦,或者D薑母茶有用,真係好D喎!
抖咗一陣見冇乜嘢,又再上番武嶺影日落。
一路等一路影吓D靜態嘢啦!
又影吓D人像啦!
依張係何先生用佢部Canon 1000D影嫁,又幾有Feel喎
終於等到日落嚟嘞!
睇住個咸蛋黃落入雲海中,真係好靚嫁!
睇完日落就返番去峰情民宿道食晚飯,依餐係民宿包埋嘅,不過我D頭痛未消失晒,都冇乜心情食,胃食媽咪就話唔錯喎。
在餐廳食飯時,民宿養的『肥貓』gigi喜歡伏在媽咪身邊,學台妹話:狠可愛喔~~
食完飯後就係手工DIY時間,由老板娘嘅靚靚姪女Cherry教整櫻花香皂。
等D肥皂硬嘅時候,Cherry攞咗D花茶比我哋飲,一邊等一邊嘆茶。
老板娘嘅小鸚鵡『樂樂』都同我哋一齊等!
最後大功告成嘞!
之後我哋都返房,然後行出露台睇星。其實合歡山觀星都好出名嫁,不過我哋依家喺半山,同埋比附近D燈光影響,但都比香港好睇好多!!!
留言列表