2019-06-09,今朝走去行吓琵琶湖疏水
水閘
琵琶湖疏水係一個明治維新時期嘅水利工程,主要係因為京都唔夠水用而影響發展,所以將琵琶湖D水引入京都,比京都啲人飲用
明治天皇都有嚟睇過㗎
D水由琵琶湖引入
穿過水道流向京都
引水道旁種滿櫻花樹,櫻花季節時可以坐遊覽船睇櫻花
引水道上嘅氣象萬千牌匾,係由日本第一任首相伊藤博文寫嘅
園城寺(三井寺)~釋迦堂
園城寺(三井寺)後門
園城寺附近嘅三尾神社
三尾神社~神門
三尾神社~本殿
睇完之後就返酒店攞埋行李,搭JR去彦根駅
寄存咗行李跟住,等埋芊芊(佢喺名古屋搭JR過嚟)然後就行去彥根城
中途經過滋賀縣護國神社,護國神社通常都供奉D陣亡軍人
彦根城門口有好多人力車夫
彦根城嘅護城河
可以坐屋形船遊護城河
入到城啱啱見到佢隻吉祥物彥根貓喺度表演
彦根城始建於1622年,係現存12天守之一,亦係僅存嘅四座木造天守之一,別名金龜城(金亀城)。
依家啱啱維修緊外牆,搭起咗個鷹架,冇咁靚
天守閣入面木造嘅屋樑
行完天守閣,行返出城門口,媽咪同芊芊話上搭吓人力車。好啦佢哋去坐,我就行吓玄宮園
玄宮園位於整座彥根城的內護城河旁
玄宮園建造於1677年,由彥根藩第4代藩主井伊直興興建,此庭園命名與設計概念來自於中國洞庭湖旁, 由唐玄宗皇帝所建嘅離宮庭園為藍本
湖上嘅鳳翔台可以眺望彥根城天守閣
園內嘅茶室,可以一邊嘆茶一邊睇園內風景
睇完之後就行去彥根港搭琵琶湖観光船去竹生島
大約搭40分鐘就到竹生島
見到竹生島神社啦
寶嚴寺同三重塔
上岸之後就交入島費400 yen,跟住沿石級向上行去竹生島神社
路邊有間黑龍堂神社
竹生島神社,正式名稱係都久夫須麻神社,大殿據說係豐臣秀吉在450年前將伏見桃山城嘅一個殿搬到這裏建成,現在已經成為國寶。本來神社度有一個台可以畀人拋碟仔出去祈福,不過個台依家喺度維修緊,我哋冇得行出去拋碟仔
神社嘅木造走廊, 據說係由豐成秀吉御座船「日本丸」拆解下來嘅木頭所建,叫做船廊下
寶嚴寺供奉弁才天,辯才(財)天(日語:弁才天),係日本神話中的七福神之一,代表音樂同財富的女神,其實係印度教女神辯才天女,竹生島弁才天同江之島、宮島並稱「日本三弁財天」,而且仲係三尊中最古老嘅一尊添
寶嚴寺本堂裡面好多小弁才天像,外形有D似達摩
寶嚴寺三重塔
睇完就差唔多要搭船走啦,走之前去碼頭舖頭買個近江牛肉包食先
近江牛肉包
喺2號碼頭搭番琵琶湖観光船返彦根港
琵琶湖上另一個小島~多景島
玩完竹生島就去返彦根駅,搭JR落返名古屋,然後去塩焼肉 二郎(樁町)食烤肉
我哋叫咗廚師精選套餐,但都係唔洗萬八yen埋單,抵食
留言列表