2004年9月4日，今朝一早去築地市場，因為築地約早上四點就開市，約中午就收市，所以想參觀，一定要早
築地市場分為外市場同內市場，外市場主要係零售同餐廳，內市場主要係批發同招呼行內人
吞拿魚，日文叫鮪，日本人鍾意用佢嚟整魚生。
築地市場係日本最大嘅水產同蔬果交易市場，每日交易額超過25億日元，據說更係全球最大水產市場
有鮑魚同海膽
竟然有嚟自上海嘅大閘蟹
跟住行去外市場
依檔賣松茸，連電視台都嚟拍攝
武丸玉子燒，好多人幫襯，我地都買嚟試吓，好食
媽咪喺外市場食海鮮丼
我唔鍾意食生嘢，於是走咗去井上食叉燒拉麵
行完食完就行去築地波除神社，依閣神社建於1659年，據說係因為當時江戶幕府喺依度填海(築地)，但係D風浪好大，嚴重影響工程。於是有人提議起間波除神社嚟平定波浪，果然起好之後就風平浪靜，工程順利。
現時依間神社主要係築地市場嘅商戶嚟參拜
神社內嘅獅子殿(厄除天井大獅子)
神社內其中一間攝社：弁財天社(お歯黒獅子)
行去地鐵站經過築地本願寺，見個外形幾特別，我哋行入去睇吓。原來依間天竺式嘅築地本願寺係由東京帝國大學工學部教授伊東忠太設計，1934年落成，舊嘅寺院毀於1923年關東大地震。
築地本願寺嘅大殿
跟住搭地鐵去靖國神社，睇吓依間喺中國人心中臭名昭著嘅神社係點樣。
參道上嘅石燈籠
靖國神社係1869年奉明治天皇之諭而建，當時叫東京招魂社，主要供奉在明治登基初期嘅內戰「戊辰戰爭」中戰死嘅3500多名新政府軍。後來開始供奉在包括甲午戰爭（1894－1895年）、日俄戰爭（1904年－1905年）和兩次世界大戰等戰爭中為日本戰死的軍人及家屬。
靖國神社嘅拜殿，喺日本人心中，靖國神社係佢哋祭祀為國捐驅軍人嘅哋方，好神聖架
神社內嘅軍國主義色彩濃厚，唔多啱我，速速走人
跟住去東京鐵塔
建於1957年嘅東京鐵塔，高333m，正式名稱叫東京電波塔，主要用於發送電視、廣播等無線電波。現時係出名嘅東京旅遊景點，嚟到東京點都要上吓東京鐵塔嘅。
我哋上咗150m展望台，但係唔好天，唔係望得好清楚，所以我哋冇比多600円上250m展望台
行上玻璃地板，望到地面上嘅人好似公仔咁。
睇完東京鐵塔就去淺草，首先去水上巴士碼頭去睇HIMOKO(銀河鐵道999號)，依艘船係向動漫大師松本零士致敬嘅作品。
啱啱開船去台場
然後行去淺草寺，依間寺院始建於628年，二戰時毀於東京大轟炸，現時的建築係戰後重建，最出名係表參道入口嘅雷門大燈籠。
過咗雷門就後商店街「仲見世通」
過咗仲見世通就係寶蔵門
五重塔
觀音寺嘅本堂
供奉創建淺草寺相關人物嘅淺草神社
睇完淺草寺之後就去返水上巴士竚搭水上巴士去台場，不過係咁落雨，都冇乜影相
去到台場回望東京灣上嘅彩虹橋
不過係咁落雨，都冇乜行室外，只係喺商場內行吓
台場入面有個台場小香港嘅主題區，個裝飾有D係廟街，可能依D就係日本人心中香港嘅形象啦
唔知係咪今晚係星期六，台場竟然放煙花，順手影咗幾張
留言列表
