2017年1月26日,今朝一早自己一條友走去揾「君の名は」(你的名字)場景,首先搭Tokyo Metro去青山一丁目駅,啱啱係返學時間,街上好多小學生白己返學。
跟住行去「信濃町橋」,即係瀧和奧寺前輩約會後道別嘅地點
另一場景:信濃町遠望NTT Docomo代代木大樓,成日都喺電影中見到嘅大厦,唔知係咪Docomo有贊助嘅呢?
然後行去「須賀神社」
不過朝早嘅神社冇乜人
我嚟主要都係去神社旁嘅樓梯,卽係瀧同三葉相遇嘅地方
樓梯下面有條刻有須賀神社嘅石柱
落咗石堦沿著東福院坂再向前行
返酒店揾埋媽咪同芊芊去行築地市場
本來築地市場話舊年11月搬去豐洲(台場附近),不過臨尾發現地下有污染物,依家成個搬遷計劃hold住咗,唔知幾時先搬得
芊芊食玉子燒
睇返D舊相,原來依間「丸武」玉子燒,係我同媽咪第一次東京自由行(2004)時都幫襯過架,仲十幾年都冇加過價。
繼續行吓影吓
見到依間烤帆立貝+海膽好似熱辣辣咁,買嚟食吓先
但原來唔係咁熱,味道不似預期
仲有D海膽賣,不過睇落唔係咁正
現場仲有好多嘢食,不過我哋要留肚,影吓就算數
竟然有叉燒包同牛肉燒賣?
媽咪又睇中「白苺」,即刻買咗盒。
媽咪又嚟菅野商店食海鮮丼,芊芊今次話唔想食生嘢,陪我去食「井上」
我同芊芊就嚟「井上」食叉燒拉麵,我因為唔食生嘢,所以每次嚟築地都係食佢,依家佢勁好生意,排成三行隊,我估可能築地冇乜邊間熟嘢啩?
依個店員以前係喺門口招呼客人,依家升咗呢切叉燒喎
至於淥麵個師父就冇變過,只係頭髮白咗啫
睇返2004年嘅相,當時只得一個舖位,冇乜人幫襯,仲可以企喺舖頭前面食添。
到咗2011年再嚟,已經要埋隔離間舖,買咗麵就拎過隔離食
嗰時仲可以好悠閒咁企喺度食,我個肚腩都只係成長中咋
依家連新鋪都企到滿晒人,我哋要企出出面行人路邊食
食完之後就拿拿臨走返去地鐵站,搭去睇東京鐵塔,因為要趕11:53前入閘,喺張24小時飛夠鐘前最後一刻,連經過築地本願寺都冇入去睇吓
一出神谷町駅就見到東京鐵塔
沿路行上鐵塔見到旁邊有間聖安德魯座堂(St. Andrew's Cathedral),係屬於一座日本聖公會教堂。
見到鐵塔對面有間郵局,芊芊即刻走去買郵票寄明信片
行到鐵塔下面諗住影,不過要用魚眼先影得晒
買飛上大展望台(150m),其實仲有一個特別展望台(250m)不過依家裝修緊,冇得上去睇
又望到東京灣
下面係「増上寺」,據說起東京鐵塔時曾破壞過增上寺的部分墓地,仲話曽有靈異現象出現
喺東京鐵塔望出去,可以見到幾間摩天大廈,左邊嘅係東京都第二高大廈「虎ノ門ヒルズ」(Toranomon Hills),中間兩座係「愛宕グリーンヒルズ」(Atago Green Hills)
左邊高嘅係「六本木ヒルズ」(Roppongi Hills),右邊係係「アークヒルズ仙石山森タワー」(Ark Hills Sengokuyama Mori Tower)
鐵塔嘅影子
芊芊話依個位望向下面嘅馬路好似成個東京鐵塔咁喎
鐵塔上面都有一座神社
仲可以掛繪馬
塔上仲講緊一個未解之謎,就係話2012年大維修時,喺離地306m嘅天線入面,竟然發現一個棒球!條天線已經安咗半個世紀,到底點解會喺天線入面有個波?只有天知道。
有個鐵塔人同遊客影相
喺咖啡廳「Café La Tour」食番個枺荼雪糕先,可以坐低一路睇風景,一路慢慢嘆雪糕
仲食埋今朝喺築地最嘅「白苺」,即係白色嘅士多啤梨
食完之後就落樓下(145m)睇腳下觀景窗
可以睇到下面D人行嚟行去,雖然冇sky tree咁高,但塊玻璃大塊D,睇得清楚D
企咗上去都得
落返樓下有個One Piece展覽,芊芊以前好鍾意架,雖然依家話佢拖長嚟畫而唔再追,但都影吓相啦。
跟住坐地鐵返上野攞行李去機場,我哋去京成上野駅搭Sky liner去成田機場
喺京成上野駅隔離有間「UENO3153」商場,其中叫「Wholesome」嘅麵包舖,因為近上野動物園,所以佢哋做好多動物造形嘅麵包,好得意!
搭車囉
芊芊喺車上又食炸雞
去到機場寄咗行李先,3個人行李共重43.5Kg
跟住去空の駅買米,我哋先買咗包有機米
然後個店員介紹話依隻「獻上米」,係獻上比天皇食嘅,我哋又買多包試吓係咪正D先
日本D農產品有農夫個名同埋幅相,有事都可以追尋來源
媽咪見到士多啤梨,又忍唔住啦。
今次真係要走啦,下次再嚟過啦
留言列表