2017年1月21日,今朝食完早餐,就行去帶廣駅前面嘅巴士站搭拓殖巴士去十勝牧場,駅前廣場有好多雕塑。
我哋搭去然別湖嘅51號巴士
大約35分鐘就去到十勝牧場
十勝牧場係一個家畜、植物改良同研究中心,即係類似嘉道理農場嘅地方
啱啱差錯腳落堆積雪度,要即戲除咗對鞋出嚟清咗D雪,如果唔係喺鞋內溶雪就凍鬼死
行入牧場嘅路冇乜人行,可以慢慢影相。
路旁有路牌提醒司機有狐狸過馬路
原來雪地上真係好多狐狸腳印
喺牧場內有一個馬魂碑,可能係紀念牧場內嘅馬匹啦
行到去牧場嘅辦事處,諗住問吓係咪可以去睇馬追い運動(冬天時讓懷孕馬跑步,預防難產)?點知原來今日係星期日,牧場休息,冇馬追い運動睇。
冇得睇馬追就行去睇白樺並木啦,沿路D風景都好靚,係咁影相
約行10分鐘就到白樺並木,依條長1300米嘅路上,兩旁種咗白樺樹,一年四季都有唔同景色,仲有好多日劇喺依度取景架。
睇完白樺並木之後就去音更高校前搭巴士返帶廣,今日係星期日,原來仲有D學生要返學喎,唔知喺咪補課呢?
出到帶廣駅,行去對面食豚丼,依間係最出名嘅「豚丼のぱんちょう」,依家已經係由第三代傳人打理。我哋今日嚟得早(未夠12點),所以唔洗排隊。
D烤豬肉超好味
食完飯就去行吓長崎屋,芊芊買咗對草泥馬手套
行完後就返東橫inn攞行李,然後坐十勝巴士去十勝川大平原酒店,依間酒店最出名係可以得坐熱氣球同浸「美人湯」。十勝川溫泉係世上罕有含天然保濕成分嘅植物性褐碳溫泉,全世界只有兩個地方有,另一處喺的德國。據說浸完之後肌膚會變得光滑水嫩,因此被稱為「美人湯」。
我哋今晚住嘅和室,同平時住開嗰D溫泉酒店差唔多。
有幾套唔同色嘅浴衣放喺房內
仲有外套添
我見仲有光就拿拿臨走出去行吓影吓相,希望見到天鵝啦。首先行去十勝中央大橋,因為冬天時西伯利亞D天鵝會飛嚟十勝川過冬,所以依條橋又叫白鳥大橋(日本人叫天鵝做白鳥)。
但係沿河邊行都唔見白鳥,最後行上白鳥大橋,睇吓見唔見到啦
行到十勝川中央都係見唔到白鳥,睇嚟今次睇天鵝嘅計劃都係冇架咯。
白鳥影唔到就影吓芊芊啦,芊芊依家鍾意影菲林機,估唔到我十幾年冇用嘅FM2都可以重出江湖。
睇唔到天鵝就行去十勝が丘公園
依個公園每年冬天都會舉辦十勝川天鵝祭彩凜華晚會,啱啱今晚係開幕第一晚
喺門口有個手湯可以浸吓
現場已經佈置好晒,只係等今晚亮燈
十勝が丘公園內直徑18米嘅時鐘,夏天整個時鐘旁種滿鮮花,稱為花時計
冬天嘅北海道四點鐘就日落,我哋都返酒店浸吓溫泉同食晚飯,今晚再嚟過啦。
行返酒店途中有間新開嘅十勝川温泉 Garden Spa
十勝川温泉 Garden Spa係一個溫泉主題商場,內有餐廳、土產店、風呂...
仲可以燒嘢食
有足湯
返到酒店,浸完個靚溫泉就去食自助晚餐,餐廳提供嘅食物多數都係道產品
最正係依個十勝和牛鐵板燒,好好味
食飽就返房換衫出去睇彩凜華,晚飯朝間酒店D工作人員已經同我哋鋪好床鋪咯。
酒店有免費專車去會場,一入場就見到好多人浸手湯,可能天氣太凍啦(約零下10度)。
我哋嚟之前問酒店攞定遊戲券,玩完遊戲就可抽獎,大獎係當地特產,但我哋都只係得細獎~三張明信片。除咗可以玩遊戲外,仲可以喺依度換一杯熱鮮奶添。
D當地人將D細路仔扮得好可愛嚟睇燈飾
光の隧道
光の動物園
冰滑梯
會場有得玩吹泡泡,D泡泡喺零下10度好快會變成冰泡泡。
晚上嘅花時計
今日見到嘅白色雪糕筒燈飾,內裏裝有唔同色嘅燈,仲可跟著場内播放嘅音樂而變色,好好睇
拍咗一段彩凜華會場內嘅片睇吓
睇完之後就搭番酒店專車返大平原酒店,再浸多一次美人湯先。
留言列表