2016年5月31日，我哋住嘅依間酒店D早餐好正，有即煎奄烈
仲有人彈琴
食完早餐，又行返琴日我哋行嗰條路，行去共和國廣場(Náměstí Republiky)，今日嘅天色仲靚過琴日
廣場上的市民會館（Obecní dům）係布拉格的音樂廳和地標建築，1918年10月28日，捷克斯洛伐克在此宣布脱離奧匈帝國而獨立，兩日後奧匈帝國解體，再過11日後第一次世界大戰亦正式結束
火藥塔同市民會館有天橋連接
市民會館前嘅露天茶座
再行去查理大橋
行到舊城廣場(Old Town Square/Staroměstské náměstí)
舊市政廳同天文鐘
今日影嘅胡斯雕像係大正光，睇得清楚過琴日，雕像嘅銘文：Milujte se, pravdy každému přejte(彼此相愛，願真理給每一個人)都好清楚
舊城廣場旁嘅聖尼古拉教堂(St. Nicholas' church)
布拉格有兩間聖尼古拉教堂(St. Nicholas' church)，一間就係喺依間，另一間就喺小城廣場(Malostranské náměstí/Lesser Town Square)
這座建於18世紀的巴洛克風格教堂，天花板上描繪聖尼古拉、聖本篤生平和舊約故事的濕壁畫
位於伏爾塔瓦河邊嘅魯道夫音樂廳(Rudolfinum)，建成於1896年，屬於新文藝復興建築風格，自1946年起每年五、六月舉行嘅布拉格之春音樂會主場館。我哋嚟都係諗住試吓買布拉格之春音樂會嘅飛，可惜一早賣晒啦
喺魯道夫音樂廳對面岸就係卡夫卡博物館(Franz Kafka Museum)
跟住再行去查理大橋，朝早D光位影查理大橋嘅橋塔比起琴日黃昏靚好多
橋塔旁嘅雕像就係查理四世，係波希米亞(即係現時捷克)國王，佢在位時透過婚姻同購買等非武力方法，使波希米亞成為中世紀歐洲最繁盛國家，最後更登基成為神聖羅馬帝國皇帝。任內使布拉格成為神聖羅馬帝國首都，亦係歐洲最美麗富庶的城市之一，1348年創辦中歐第一座大學～查理大學，修建伏爾塔瓦河上的查理大橋。
查理大橋上嘅雕像
過咗穚塔之後見咁好陽光，又行吓去連儂牆影吓先
跟住行上布拉格堡
布拉格的小城廣場(Lesser Town Square)，左邊嘅巴洛克式建築物就聖尼古拉教堂
小城廣場上嘅國會眾議院
小城廣場上嘅聖三一紀念柱(The Holy Trinity Column)，即係黑死病紀念柱
又見到有香港人喺度影婚紗相
布拉格堡前嘅總主教宮(Arcibiskupský palác v Praze)，係天主教布拉格總教區嘅主教府
布拉格堡是世界上最大的古城堡，係以前波希米亞國王、神聖羅馬帝國皇帝嘅皇宮，現時有一部分係總統府，皓怡今次仲誤闖總統府添
布拉格堡內嘅聖維特主教座堂(St. Vitus Cathedral)，係羅馬天主教布拉格總教區的主教座堂，亦係捷克最大嘅教堂，歷代波希米亞國王嘅加冕儀式亦在此舉行
聖維特主教座堂始建於925年，由波希米亞公爵瓦茨拉夫一世下令興建，當時係羅馬式建築。1344年查理四世下令改建成一座哥德式教堂，但工程斷斷續續近六百年，到20世紀初才正式完成，最後更加入巴洛克同文藝復興式風格。
行到攰坐低飲杯朱古力雪糕
城堡嘅最後一段～黑塔
其實個塔又唔係黑色，唔知點解叫黑塔呢？
喺依度有間Toy Museum，不過我哋冇入去睇，最得意係佢門口有個男孩雕像，個「啫啫」位比人摸到變咗金色。原來依個銅像喺以前共產時期政府放在這裏，展示一個健康男孩的身體，但有人覺得不雅，將啫啫切去但之後又比人話：健康男孩點可以冇啫啫？跟着政又駁回啫啫。之後有個傳說話如果摸吓條啫啫就會獲得好運氣，於事人人都摸咪變成金色囉。
我都摸吓先，返香港再買六合彩
睇完之後就行返後門出嚟，依道係高位可以望到整個布拉格歷史中心(布拉格小城區同舊城區)，亦即係聯合國教科文組織認定的世界文化遺產盡收眼底
不過眼見天氣唔多穩定，布拉格新城區已經烏雲密佈，睇嚟會有一場大雨，都係急急腳走人啦
跟住由布拉格堡Malostranská搭地鐵去Můstek - A
本來諗住行吓溫塞斯拉斯廣場(Wenceslas Square)，睇吓1989年天鵝絨革命嘅起源地點，點知原來個廣場只係條大街。仲一出地鐵站就落大雨，乜都影唔到，惟有去KFC食嘢等停雨，超無奈
食完嘢，停D雨細咗就行返去舊城廣場，D天氣真係激死人，啱啱先落狗屎，半個鐘後就陽光普照
喺天文鐘前面有一灘水，好多人圍住嚟影
原來D人喺度影天空之鏡
我都唔執輸，影返張布拉格之鏡先
影完就行過對面河岸搭船遊伏爾塔雅河
我哋搭船嘅碼頭
河邊有對情侶拍拖，偷影吓先
船嚟啦，我哋搭嘅係KZK船公司，船名係Bastei
航程大約50分鐘
上船啦
遊完船河就去Hotel U Zlatého stromu食晚餐
食烤鴨，好味道
食完就行返去市民會館同共和國廣場
最後行埋依間有200間舖嘅Palladium商場
我哋喺Palladium入面依間sportisimo買衫，好平架
留言列表
