close
2013年2月24日，今朝起身起得早，於是行去酒店後面嘅《大森稻荷神社》睇吓。
唔知係咪太早，成間神社都冇人，又好厚積雪
連個手水舍都積晒雪，行都行唔到入去洗手。
同其它稻荷神社一樣，好多鳥居，不過唔知點解，依間主色係粉紅色嘅？
通常稻荷神社嘅狛犬唔係獅子而係狐狸使者
神社後面就係海邊，出面就係津輕海峽
天氣咁凍又咁早，都仲有人釣魚。
行完大森稻荷神社就返Super Hotel 食早餐
街邊嘅砂箱
函館街上好多銅像，有D似歐洲小鎮。
話咁快就見函館市電嘅函館駅，即係到到咗JR函館駅前面啦。
又搭返北斗號火車，媽咪喺火車上食雪糕。
約兩個鐘就去到JR登別駅。
出咗駅就寄行李先，過依個站冇大locker，我哋要租細locker，一個300円,一個500円。
喺巴士站影低接駁巴士時間表先。
跟住慢慢行去火車站附近嘅登別海洋公園，5分鐘就見到個摩天輪就係嘞。
依個就係登別海洋公園入口，都冇乜人。
公園嘅丹麥式城堡，我哋買3300円嘅兩園遊套票，可以去埋熊牧場。
啱啱好11點，好多人都係等睇企鵝。
企鵝出嚟啦，首先出嚟嘅係巴布亞企鵝。
然後係大隻嘅國王企鵝。
D細企鵝(巴布亞企鵝)唔係好怕人，成日走埋D遊客身邊，有隻仲嚟啄我個相機袋添。
同D細企鵝一齊影番張相先
睇完企鵝出巡，就去睇海獅表演。
D表演就同香港海洋公園差唔多，不過最令我印象深刻係個肥妹訓練員，肥嘟嘟好搞笑。
睇完海獅表演，就行入城堡睇海洋生物。
一入門口就有個水池，可以比遊客用手摸吓D海星、海膽，但唔好離開水面。
話咁快就有車嚟，唔洗三分鐘就到熊牧場纜車站，就响依度搭吊車上熊牧場。
之後行去睇熊，D熊坐喺雪地上等遊客拋D食物比佢哋食，佢哋仲識做好多動作吸引遊客架。
佢哋接食物好準，因為接得唔好可能會比其它熊接咗，甚至比D烏鴉搶走架。
不過熊牧場冇乜嘢睇，唔洗一個鐘就睇完，之後去行吓依間紀念品舖，買D『熊出沒注意』嘅紀念品就搭返吊車落山走咯。
不過熊牧場冇乜嘢睇，唔洗一個鐘就睇完，之後去行吓依間紀念品舖，買D『熊出沒注意』嘅紀念品就搭返吊車落山走咯。
我哋架吊車前面有架貨物吊車，原來用嚟吹乾D三文魚做熊食物喎。
依道就係行上熊牧場嘅路，我哋落嚟冇車送，所以就行依條路出溫泉街。
登別溫泉街，依條好多舖頭都係賣紀念品同餐廳。
條街仲有好多鬼怪架。
街上有間『閻魔堂』即係閻王殿，個閻羅王仲話識變臉嫁。
變臉前
變臉後
睇完閻羅王變臉後就去行溫泉市場，即係海鮮市場，仲可以即買即烤即食添。
D海鮮好新鮮，又唔係好貴，幫襯吓先。
好多日本名人都嚟依度幫襯，仲簽名留念添。
烤帆立貝500円一隻
烤生蠔1050円3隻
媽咪等食，流晒口水囉。
媽咪等食，流晒口水囉。
烤好嘞，D帆立貝好大隻超好味！
D生蠔烤好後雖然有D縮水，但係都好好味！
泉源公園後面就係湯澤神社。
開始落雪添。
神社嘅手水舍，不過咁凍都冇人洗啦。
D雪越落越大添。
等停雪時，發現到都有香港人寫低嘅繪馬喎。
睇完湯澤神社，行過隔離就係地獄谷嘞。
地獄谷門口嘅鬼卒。
地獄谷連個廁所都係用男鬼女鬼嚟分。
登別地獄谷同關東嘅箱根大涌谷差唔多，都係幾千年前火山爆發後嘅遺跡，依家仲噴緊白煙同有濃烈嘅硫磺味。
我哋行去睇吓地圖，搵條短短哋嘅步道行吓啦。
登別地獄谷同關東嘅箱根大涌谷差唔多，都係幾千年前火山爆發後嘅遺跡，依家仲噴緊白煙同有濃烈嘅硫磺味。
我哋行去睇吓地圖，搵條短短哋嘅步道行吓啦。
有D位結咗冰，好滑好難行，好彩有扶手咋！
沿途有溫泉水流出嚟。
溫泉眼，D滾熱辣嘅溫泉水湧出來。
睇完泉眼就繼續行埋條步道
有D地方好斜好難行，如果冇D輔助繩都冇得行。
行行吓先發覺沿途冇人好似我哋咁傻，行雪風中步道。其實我都有D擔心，我哋會唔會迷路嫁？
中途有個休息亭，我哋都冇行入去，但求快快趣趣行埋佢就算。
見到有路牌嘞，都無咁驚。
終於行返出嚟囉。
玩完後跟住就行返去車站搭巴士去返登別駅。
出到登別駅囉。
玩完後跟住就行返去車站搭巴士去返登別駅。
未夠鐘有火車，就喺附近行吓先。
有屋賣添，唔知幾錢呢？不過一定平過香港！唉，但係日本經濟咁差，有鬼人買咩？
依間屋好靚，睇吓屋前面嘅屋主名，原來係前面宮武商店老板嘅屋企。
跟住搭返火車返札幌，今晚住喺札幌駅南口嘅東橫Inn
跟住出去醫肚，媽咪話唔想去咁遠，都係去返札幌駅Esta嘅《The丼》食啦！媽咪話佢D海鮮飯好喎。
我唔食生嘢，食親子丼啦！
食完之後行上Esta10樓嘅拉麵共和國睇吓，不過睇嚟唔咁好生意喎。
行完就去做每日指定作～便利店，買宵夜嘞！
文章標籤
全站熱搜
留言列表
