一個鐘頭車程就到咗高山市嘞,依道就係高山嘅濃飛巴士站。
巴士站隔離就係JR高山駅同遊客中心。
跟住响巴士站攞埋訂咗聽日去京都嘅巴士飛。
跟住行去酒店,沿途D舖頭好多都有依隻『飛驒寶寶』,擺出嚟。
約莫行5分鐘,就到我哋訂咗嘅『飛驒高山Super Hotel』嘞。
我哋訂咗嘅單人房,依間訂時用Welcome Japan Plan,3830円一晚,好抵住!
依間有碌架床嘅係雙人房,不過皓怡同媽咪話間單人房舒服D,我咪唯有住依間囉。
依間酒店有溫泉浸,不過男女湯要分時段。
細細間嘅餐廳
時間尚早,出去行吓街先啦。
依條橋好靚,叫做中橋,啱啱有人着和服經過。
高山市內好古色古香,有小京都之稱。
上三之町,依處係歷史風俗保護區,兩旁的木做屋仔已有百多年歷史,門口有條水渠專為防火而設。
行行吓,都日落咯。
媽咪買飛驒牛醬,返嚟香港用嚟煮餸,好好味,不過入面好多蒜頭。
好好味嘅飛驒牛乳。
飲完牛奶,再行上城山公園。
在公園旁嘅豐川城山稻荷神社
依間稻荷神社有D殘破,而且稻荷神社由狐狸守護,旁邊仲有個『征清陸海軍士招魂碑』,有D陰森,都係急急腳走啦!
征清即係甲午戰爭
城山公國嘅兒童遊樂場。
大唔透嘅皓怡响公園嘅兒童遊樂場道玩。
高山D舖頭好早休息,7點後就差唔多全部閂晒門,但依間校服店就係例外。
玩完一日就行返出車站廣場食晚餐,依間『
大漁日本海庄や』係連鎖店,有D似和民咁。
食完之後就去行Family Mart買鮮奶同宵夜。
留言列表