hkt222976的部落格

2024-5-31，朝早去咗行汝矣島，汝矣島以前係漢江上嘅一個小島，每逢有漢江有洪水就會淹沒，所以叫「汝矣島」。日治時期日本人整理佢成為機場，70年代初金浦機場啟用之後，汝矣島機場就停用。之後銀行、交易所等商業大厦陸續興建，然後國會議事堂亦搬入，現時係韓國嘅政經中心。

公園中央廣場上有架C47運輸機，據說係二戰日軍投降後，當時大韓民國臨時政府人員由重慶乘搭返嚟重建國家。汝矣島公園入面有個人做自然生態森林，其實唔係好大，同維園大草地差唔多大。睇完就返東橫Inn等旅遊車去玩一日遊(DMZ｜非軍事地帶一日遊)。原來只係嚟咗架9人Van，載我哋去弘大再夾埋其他遊客一齊去玩。大車嚟啦，不過我報KK Day，依架車就寫住Klook，可能俾人賣豬仔。行車大約一個鐘，就到第一站~臨津閣和平公園。臨津閣和平公園建於1972年，係為因戰爭而無法返回故鄉嘅人建造。和平鐘閣~於2000年竣工，代表韓國民眾嘅和平願望，鐘閣內設有和平之鐘。望拜壇~專俾原藉北方嘅人拜祭家鄉。分裂30年紀念碑。自由之橋~ 韓戰嘅代表遺產，因1953年韓國國軍與聯合國軍共12,773戰俘曾通過此木橋重返自由而得名。自由之橋旁邊嘅鐵絲網，遊人將希望統一、和平嘅願望寫喺絲帶上，挷喺鐵絲網上。京義線蒸汽火車 ~韓戰時運送軍需物資，於長湍站被轟炸嘅蒸汽火車頭，2004年被指定為登錄文化財。戰爭參戰碑與追慕碑 – 韓戰參戰紀念碑、美軍參戰碑、美軍參戰碑。依間係仿臨津火車站嘅紀念品店，旁邊仲有架真火車頭。睇完臨津閣和平公園就搭旅遊車去睇第三隧道。第三隧道係位於韓國京畿道坡州市嘅一條隧道(之前已經發現兩條)，由北韓方面挖掘，穿越南北韓非軍事區地底隧道。高同闊大約2米，預料每小時可運士兵3萬人。依條係第三條被發現嘅隧道，現時發現咗共有四條。不過入去第三隧道參觀要除低晒所有相機同手機，然後先可以行。入去睇完之後，只可以喺門口同兩個假嘅憲兵合照一張。同第三隧道外邊嘅公園擺設影吓相都得嘅。睇完第三隧道就去都羅展望台睇北韓。喺展望台可以望到對面北韓嘅領土同埋北韓嘅國旗。睇睇吓，仲有班南韓士兵走咗係睇北韓添。睇完就可以行返入室內，行紀念品店。DMZ名物：朱古力睇完都羅展望台就搭返旅遊車去DMZ團最後一個景點：統一村。統一村距離軍事分界線約4.5公里，村落建於1973年，由當時南韓政府將40戶即將退役嘅軍人家庭，同埋40戶當地原住民一齊組成，現時大約有400多名居民，多數從事農業同觀光業。統一村特產：雪糕同稻米。睇完就搭返旅遊車返首爾。返到首爾就去忠武路食孔陵一隻雞。孔陵一隻雞，類似打邊爐，係將成隻雞放落去個雞湯鍋度，再剪成雞件。不過可能我哋嚟得早，成間舖得一個男店員，條友做嘢好懶散，對啲客愛理不理，乜都叫我哋自己搞掂。食完之後行去附近嘅明洞主教座堂明洞主教座堂，正式名稱係天主教首爾總教區教座明洞大聖堂。教堂建於1892年由朝鮮國王高宗主持奠基，教堂融合哥特式同羅馬式元素，擁有高聳嘅尖塔同彩色玻璃窗。睇完教堂就行明洞商圈，明洞係首爾嘅著名購物區。除咗有大量嘅名店之外，都有唔少街邊檔，主要係賣啲街頭小食，亦有名牌A貨，有啲似香港嘅廟街。跟住行去睇首爾塔，由明洞行去搭南山纜車電梯，條路有啲長同斜，行到有啲索氣。搭完電梯就見到纜車啦。雙人來回KRW30000搭大約3分鐘就上到去南山塔(首爾塔)站。行出站外就見到愛情鎖牆同首爾塔，熟口熟面嘅韓劇場景。沿住城牆向上行就係首爾塔。首爾塔下嘅八角亭。依度可以望到首爾市全景。用多KRW11000搭電梯上埋塔頂，依度景觀仲靚。仲有世界各地方向指示添。連廁所都有景睇，望住個首爾市嚟痾。

2024-5-30，朝早落樓下食早餐，基本上同日本東橫Inn差唔多。食完早餐就同媽咪去着韓服，我哋揀咗西花韓服，因為交通方便，一來近地鐵站，二來又近景福宮。我哋一早喺KK Day Book咗先。店內有中英文說明穿衣程序，亦有說國語嘅店員。先揀衫再揀飾物着完就出發啦唔洗兩分鐘就行到去景福宮嘅側門，好多人都喺依度門行入去景福宮。入到去影返張相先。

跟住行去光化門睇衛兵換班儀式，依個儀式每日兩次，分別係10:00同14:00。換班儀式大約20分鐘，睇完就經興禮門行入內城。景福宮係以前朝鮮王朝(李氏朝鮮)嘅宮殿，由李氏朝鮮王朝太祖李成桂於1395年下令興建。經過幾次興廢，現時嘅建築係1968年開始復修，到現時都差不多完成。我記得我1993年嚟嘅時候，景福宮前面仲有座日治時期嘅總督府，不過依家已經拆咗啦。景福宮大殿~勤政殿，韓國國寶第223號。為五間五進、重檐歇山頂的建築，坐落於兩層丹陛之上。又稱「法殿」，是朝鮮君舉行對中國禮儀（正至及聖節望闕禮、皇太子千秋節望宮禮、拜表儀、為皇帝舉哀儀、成服儀、舉臨儀、除服儀）、朝賀儀式、王世子冠禮、國王納妃禮、冊王世子禮、王世子納嬪禮，以及召開養老宴、飲福宴等宮廷宴會時的地方。接見外國使臣也均在此殿進行。殿前的廣場上，有品階石於東西兩側整理排列著。文官居東，武官居西，並依照階級高低排列(源自維基百科)。經過勤政殿之後就係思政殿，係朝鮮國王與大臣平日議政、商討國事嘅主要殿閣。思政殿旁嘅倉庫，以千字文文本「天地玄黃，宇宙洪荒」為倉庫名稱。

慶會樓，位於修政殿之北，為一座二層樓的建築，四周有圍牆，東為含弘門、西為天一門。慶會樓建築為干闌式，底層用24根石柱架空，上為面闊七間、進深五間的歇山頂樓閣，四面開敞，景色優美。為朝鮮君王招待外國使節時所使用之樓閣，也曾在此舉行殿試。慶會樓坐落於方池之內，池中另有兩座小型方島，象徵「一池三山」之制。燕山君時期，曾在慶會樓西側築有萬歲山，山上設蓬萊宮，周圍設萬歲宮、鳳來宮、日月宮、禮珠宮、白雲宮等五宮，實為小型的單體樓閣建築，裝飾以金銀綢緞和各種彩絹。燕山君造龍舟，泛於慶會樓池上，又做黃龍舟，可乘百人。慶會樓是舉行王室的隆重宴會或接待外國使節的地方，西元1867年得以重建。站在二層建築的慶會樓，可一覽溪邊的仁王山及東部宮闕的美麗景觀。在寬闊的蓮花池中還可以乘船遊玩。慶會樓占地面積為933平方公尺（282坪），是景福宮內現存最大規模的木製建築。第二層有三重構造，最高的中央3間，象徵著天、地、人，外邊12間代表了一年有十二個月，最外邊的24根柱子象徵著24節氣等東方宇宙觀。據紀載，重建慶會樓時，在蓮花池中放進了兩隻青銅龍，則在1997年疏濬工程時被發現了(源自維基百科)。

香遠亭，1873年建造乾清宮時在其南邊挖掘池塘，中有小島，上面建造二層的香遠亭，實際是閣樓式建築(源自維基百科)。乾清宮，位於香遠亭後面，係高宗時期修建嘅寢宮。 景福宮嘅後門~神武門。神武門側邊有幾棵紅葉。景福宮後面就係青瓦台，係二戰後韓國嘅總統府，不過現任總統尹錫悅可能怕咗「青瓦台詛咒」，所以搬咗去國防部大樓做總統辦公室，青瓦台就開放俾市民同遊客参觀。睇完青瓦台就行去三清洞嘅Starbucks飲杯茶食件餅啦。歎完Starbucks就行去對面嘅北村韓屋村，北村韓屋村位於景福宮和昌德宮之間，係以前朝鮮貴族同大臣嘅聚居地。到咗日治時期(1930年代)首，有地產公司在此興建大量韓屋，而形成「北村韓屋村」。到現時仍有居民居住，亦因保存良好，喺2009年獲聯合國頒發「亞太區文物古蹟保護獎」。依度仲可以望到首爾塔。不過依度好多斜路，着住韓服行都有啲辛苦。依度亦因為係民居，所以有參觀時間限制，同埋唔好大聲喧嘩，以免影響當地居民。睇完北村韓屋後就去昌德宮，我哋由近啲嘅側門進善門行入去。昌德宮係李氏朝鮮於1405年景福宮完工之後另外建造嘅離宮，位於正宮景福宮嘅東側，所以又稱為「東闕」。1592年豐臣秀吉入侵朝鮮(壬辰倭亂)時遭戰火毁損。朝鮮於1610年重建昌德宮，之後約270多年期間，昌德宮被朝鮮王朝歷代國王當正宮使用，直到1867年景福宮重建為止。昌德宮構造係根據周邊地形，以結合自然方式建築而成，因此被稱為最韓國式嘅宮殿，並於1997年登錄為聯合國世界文化遺產。樂善齋，係朝鮮國王妃子嘅居所。二戰後大韓帝國純宗純貞孝皇后尹氏在此居住到1966年，英親王遺孀李方子居住至1989年。睇完就由肅章門離開。行去搭巴士時經過昌德宮嘅正門敦化門。行完昌德宮就搭車去德壽宮，德壽宮係韓國首爾特別市內的一處古蹟，為朝鮮王朝及大韓帝國最後使用的宮殿，宮內有許多朝鮮早期的歐式建築(源自維基百科)。

中和殿 - 德壽宮的正殿。原為五間、四進、重檐歇山頂的建築，1904年失火焚毀，1906年重新復建後改為單檐歇山頂(源自維基百科)。

2024-5-29，好耐冇去國韓國，上次已經係2001年，當時仲係叫漢城，依家叫首爾。

今次試新lounge~Chase Sapphire Lounge。

依間lounge睇景靚啲。

仲可以嘟QR code叫個別餐食。

食完就登機，今次第一次搭大灣區航空。

2024-4-11，今朝一早起身去博多駅搭Hello Kitty新幹線去小倉。

每日得朝早7:00一班去新大阪，下晝由新大阪返博多。

依架新幹線係用500系列車，曾經係日本最高營運速度設定嘅車種，亦係我覺得最靚嘅新幹線列車。不過因為行車時噪音太大，已經唔再行咁快同逐漸退役，預計2027年全部退役。

車箱內籠

行李架

2024-4-10，今朝起身喺窗口望出去，依個窗口向東，可以睇到日出。

太陽喺正條街中間升起。

起咗身就出去行吓街啦，首先經過宮地嶽神社。

依間只係間小型神社。

跟住行去別府公園，公園門口都有櫻花，係八重櫻。

2024-4-9，今日天氣好好，行去酒店隔離嘅天狗通商店街睇吓。喺街上有個大鼻嘅天狗神輿「 やよい天狗」 ，依個神輿係由商店街商會做出嚟，係祈求消災避火之用。

商店街嘅戲院做緊黃秋生嘅白日青春。

睇完就搭龜之井巴士去B-CON Plaza(Global Tower)。

買咗飛(300円)，就搭電梯上展望台。

先上4樓(100M)展望台。

2024-4-8，今朝行去酒店咐近嘅辰野川，依度河邊嘅櫻花都算出名，當地人稱為辰野川櫻街道。

行埋去咐近嘅寺院睇吓。

淨滿寺

西江寺

選佛寺

2024-4-7，今朝去咗行和靈神社，依個係神社嘅一の鳥居，參道穿過和靈公園。

公園內嘅櫻花都開咗啦。

穿過和靈公園之後就係二の鳥居，依個二の鳥居係全日本最大嘅石鳥居。

穿過二の鳥居之後就係神幸橋，前面就係和霊神社嘅神門。

神幸橋下面係須賀川。

2024-4-6，今朝又出去行吓，睇吓堀川啲櫻花啦，途中經過高知八幡宮，據說依間神社係700幾年前嘅鎌倉時代末期創建，當時係喺依家高知城咐近，大約百五年前搬嚟依度。

高知八幡宮嘅拜殿，主祭神當然係八幡神，即係應神天皇。

跟住行到去堀川睇櫻花。

喺河邊已經有人霸定位賞櫻，佢哋好老實會寫埋幾點鐘會嚟，之前可以自由使用。

睇完就行返洒店，又經過はりまや橋(播磨屋橋)。

2024-4-5，今朝食完早餐就出去行吓，首先行去吉野寺，此寺建於明治15年（1882年），屬於高野山真言宗。

寺內供奉弘法大師。

依度係明治初年民權政治家板垣退助嘅出生地。

然後行去鏡川みどりの広場，即係鏡川綠地公園，依度啲染井吉野櫻都開得幾靚。

公園側邊係山內神社。

2024-4-4，今朝一早浸完個温泉，就去食早餐，大致上都係平時Super Hotel嗰啲。

不過最特別係有香川名物～讚岐烏冬食。

食完就行去酒店後面嘅田町站搭巴士去栗林公園。

大約5分鐘就去到栗林公園前巴士站，車費200円，可以拍西瓜卡。

栗林公園是位於香川縣高松市的都市公園、日本庭園。被指定為國之特別名勝，也是高松歷史文化道的一部分。 在2009年3月16日發售的米其林觀光指南中，作為「值得專程探訪的景點」獲得最高等級的3星評價。2012年，美國的專業庭園雜誌《日本庭園期刊》的「2011年日本庭園排名」中，栗林公園列於足立美術館（島根縣）、桂離宮（京都府）之後的第三位。(引用自維基百科)

2024-4-3，今次搭UO飛高松，11點機，早啲去機場食完早餐再搭機。

今次都係40號閘溉Chase Sapphire Lounge，貪佢少人啲同有啲景睇。

今次個QR code點唔到餐，要出去同職員人手點，係咁倚點咗個魚蛋粉同煙肉芝士包算啦。

大路嘢就自己出去㚒啦。

我鍾意坐依幾個窗邊位，可以有啲嘢睇。