2018-09-08,朝早行去酒店後面嘅波上宮睇吓。波上宮係琉球八社之一,亦係八社中地位最高。建築年份不祥,只知1879年日本吞併琉球時已經存在,但二次大戰時被毀,二戰結束後才重建。
二の鳥居
手水舍
拜殿
拜殿前嘅狛犬係獅子
繪馬板嘅留言好多都係中文,睇落仲多過日文
兩間攝末社,浮島神社同世持神社
波上宮隔離係護國寺,順便行過去睇吓啦
唔知係唔係護國寺嘅護法鍾意保祐小朋友呢?攔杆上掛咗好多口水肩
護國寺據說建於1367年,係沖繩最古老寺院,但原寺已毀於二次大戰,現時嘅寺院係戰後重建。大殿上供奉觀音菩薩。
波上宮後面嘅海灘「波の上ビーチ」,係那霸市內唯一嘅海灘
睇完就返酒店食早餐
今朝有咖哩飯食,正!
出咗首里站後,行行吓見到依間SuiSavon -首里石鹸,見佢介紹D手工皂幾好咁,媽咪買咗D嚟試吓
首里城前面嘅龍潭
首里城嘅大門~守禮門
首里城約建於1427年,係琉球王國嘅王城,但已數度被焚毀和重建,現時嘅首里城重建於二次大戰後,2000年首里城被聯合國教科文組織列為世界文化遺產。
園比屋武禦嶽石門
歡會門
瑞泉門
漏刻門
奉神門
首里城正殿大門,依家正在維修,但仍然可以行入去室內參觀
撞啱見到有琉球傳統舞蹈表演,不過佢哋D跳舞動作好慢
喺大殿後面嘅偏廳「鎖之間」,可以體驗琉球傳統茶道同菓子
可以喺世界文化遺產內嘆茶,好正
嘆完茶就睇吓大殿展出嘅文物
參觀完首里城就行過隔離嘅「玉陵」睇吓
「玉陵」係琉球國第二尚氏王朝(1469-1879)歷代國王的陵墓,2000年玉陵以「琉球王國的城堡以及相關遺產群」的一部分而登入世界遺產名錄。其實玉陵在第二次世界大戰中嚴重破壞,現在大部分建築都是戰後重建的
行完玉陵就去識名園,識名園係琉球國第二尚氏王室的王家庭園和接待中國派遣之冊封使的地方,2000年和首里城、玉陵等一齊登錄成世界文化遺產
識名園屬迴遊式園林,遊人沿路走動會看到不同的景物。庭園建築風格糅合中國傳統建築和琉球本土獨特的建築樣式。
園內有點破舊,仲有好多蚊,我哋行緊嘅時候啱啱落咗場雨,之後喺路邊仲見到有蠑螈添。睇完之後我覺得識名園唔係咁值得嚟,由其係交通唔係太方便,D巴士唔係太啱路,我哋來回都係搭的士,園內唔係多嘢睇,唯一好處係少遊客,可以好悠閒咁影相。
行完就搭的士落國際通同媽咪shopping,啱啱經過依間宮古島の雪塩,見到佢話打卡有包鹽送,咪打囉。不過佢哋D鹽真係好靚,好似粉咁白咁靚,最後我哋都買咗幾包先走
跟住再去Splash買衫同飾物
跟住就行去第一牧志公設市場睇吓
第一牧志公設市場就喺國際通隔離,有D類似香港嘅市政大樓,樓下係街市,樓上係熟食市場
我哋喺依間舖頭買咗隻細魚生船,好抵食,只係1000¥咋
食完就再去行國際通,媽咪喺DEARRYUQ買咗星砂耳環
最後行埋RYUBO百貨嘅超市,買D立立雜雜嘢咁啦,我就捧咗盒沖繩米返香港
留言列表