2017年7月13日,今日係最後一日,朝早去東京五社之一嘅「東京大神宮」睇吓
東京大神宮建於1880年,係伊勢神宮嘅分舍,主祭神係天照大神(日本神道最高神祇,被奉為今日日本天皇嘅祖先)
神宮前種咗幾桶稻穂,應該為紀念天照大神曾命天孫瓊瓊杵尊(神武天皇嘅曾祖父)帶稻穂種植大地上,並與大和民族約定生生世世務農
神宮內嘅攝社「飯富稻荷神社」
跟住行去一提起就令中國人咬牙切齒嘅「靖國神社」睇吓,依間亦係東京五社之一
沿住參道掛到滿晒燈籠(献燈),睇嚟日本人真係好重視依間神社
燈籠上都寫上献燈嘅人或者組織名
神社嘅拜殿,靖國神社原本叫「東京招魂社」,係紀念幕末戊辰戰爭時犧牲嘅反幕軍人,明治十二年(1879年)起改名為「靖國神社」,供奉所有為日本戰死的軍人及軍屬,亦係日本天皇唯一鞠躬嘅神社。本來都冇乜嘢,直到1978年有D右翼人物將D二戰時嘅甲級戰犯(東條英機等)擺埋入去供奉,先致引起極大爭議,而日皇亦從此不再參拜
靖國神社嘅遊就館,其實可以算係軍事博物館,主要展示日本在近代戰爭中所使用嘅武器、軍人遺物、戰時資料等
遊就館外嘅「母の像」,係紀念陣亡軍人嘅遺屬
館內嘅展品
二戰時嘅日軍王牌戰機「零戰」
館內嘅紀念品店,有李登輝嘅著作賣,我上次嚟(2004年)嘅時候都見過李登輝嘅另一本著作擺喺度賣,睇嚟佢真係好受日本右翼人仕歡迎喎
喺神社內嘅能樂堂,有劍詩舞表演
之後搭地鐵去睇新宿御苑,依度以前係皇家庭園,二次大戰後已改為國民公園向公眾開放,現時入場費係200円
公園內林蔭處處,雖然30幾度,但行起嚟都好舒服
圉內有好多櫻花樹,不過依家唔係開花季節,冇花睇
公園內嘅日本庭園
公園內有個涼亭,個窗花係「於牣魚躍」四個小篆漢字,我只係睇到「魚躍」兩個字,好在旁邊有說明,原來係出自詩經中嘅詩句。
睇完日本庭園跟住行去法國庭園,不過我就唔識睇乜嘢係法式嘞,咪同平時D公園差唔多?
法國花園度我覺得係依兩排大樹最好睇
法式庭園內嘅プラタナス並木,即係法國梧桐樹並木
睇完新宿御苑就返東橫Inn攞行李,然後搭地鐵去上野,再轉京城電鐵去成田機場
不過HK Express喺成田機場嘅check in counter都幾難揾,唔同正常嗰D,喺另外一邊。
我訂咗30Kg行李但只係用咗20kg,但咁都仲要磅我個背囊,磅完之後貼咗條唔過7kg嘅紙帶,我覺得佢真係有D小家囉
入咗禁區見有時間本來想入lounge,點知原來我張priority pass個lounge係喺禁區外(cheap嘢係咁架啦),惟有比錢食碗麵啦
食完就行去登機閘,都要行好遠
行去搭接駁車,見到好多人都拎兩三袋,唔通佢哋唔超重?
今次攞咗第一行坐,本來想學「董太」咁坐1A位,不過訂位時已比人訂咗,咁就坐1F啦,左右之分啫
其實只係闊咗少少啫,不過人哋坐頭等,我坐廉航,冇得比嘅
拜拜啦,下次再嚟過
留言列表