hkt222976的部落格

2010年1月19日，今朝一早都係落樓下Donut店攞2個Donut返房當早餐。都係咁好食！不過要拿拿臨食完之後就要退房走人。事關今日約咗上次去宜蘭嗰位包車司機何先生載我哋去南投嘅合歡山。嗰位何先生好好人，今次只收成本價，好抵嫁。

食完之後落到樓下何先生已經响道等緊我哋，不過今次佢唔揸車，只係做導遊，揸車係另外一位司機，何先生話係訓練新人上合歡山喎，所以用咗另外一架車！

車上仲用埋GPS導航，我都開埋我部5800手機嘅GPS嚟玩，同佢個讀數都係一樣！依家D科技真係方便。

架車行咗約個半鐘就到咗中途站『清水服務區』。响台灣嘅高速公路上每隔百多公里，就有一個大型停車場、商場、餐廳，方便駕車者可以休息，稱為服務區。

洗手間嘅外牆用立體栽種法來種花，好靚嫁！

服務區內的商場有好多嘢賣，仲好好行添！

胃食媽咪買咗盒『釣鐘燒』嚟食。

商場天台係美食廣場。

胃食媽咪即刻响天台食釣鐘燒，新鮮熱辣，好好味！

休息完之後就繼續向合歡山區進發嘞，當GPS顯示架車上到約海拔800米處，路邊D櫻花樹都開始開花囉，何先生仲專登停車叫我哋影相添。

上到約海拔1500米處就到咗我哋今晚住嘅民宿，清境峰情人文民宿嘞！

我哋住嘅雙人房都好靚，又乾淨，只係2千台幣好抵嫁！

仲有個露台可以坐吓睇吓風景添。

露台出面嘅風景好靚，成張post card咁！

睇埋對面個大雪山仲有好多積雪，真係好靚嫁！

跟住我哋去台灣海拔最高(1743米)的商場醫肚。

商場外面D櫻花樹開得好靚，一於影番D相先！

商場外面D風景都好靚，何先生仲不停同我哋影相添！

商場後面就係清境小瑞士，夏天依道好多花睇嫁，不過依家就冇乜！

行完一輪，何先生就繼續車我哋向山上進發！