2017年1月24日,今日嘅東京非常好天氣,喺東橫Inn食完早餐就寄存行李,等今晚先返嚟攞
朝早嘅歌舞伎町好冷清,只有清潔工人運走一夜間所產生嘅垃圾
琴晚好旺嘅男公關店,依家乜人都冇
最紅嘅男公關龍虎榜
早上嘅新宿街頭,冇夜晚咁多人
似家新宿最多嘅係藥妝店,仲多過便利店,好似銅鑼灣咁
仲有多咗好多流浪漢通街瞓,以前佢哋只係夜晚先出嚟,日間就去晒公園,依家就日夜都唔走。
行去新宿西口揾車
依度就係「君の名は(你的名字)」嘅場景之一
本來今日去伊豆熱海嘅「文學之旅」比一場風雪打亂咗,改為我同媽咪去河口湖,芊芊就自己一個去佢嘅動漫之旅。記憶中新宿西口有巴士去河口湖,一於行去揾吓先。
嚟到新宿西口,以前去河口湖個巴士站唔見咗,即刻上網揾資料,原來由16年4月開始,巴士站改咗去新宿駅新南口4F嘅巴士總站
原來依家新宿嘅高速巴士總站改咗去新南口,集中晒喺一齊,好過以前D巴士公司各自為政,散收收吖。
不過我哋今次冇訂飛,班去河口湖嘅富士急行巴士又比人訂滿晒,惟有喺現場等後備,開車前10分鐘會通知執唔執到死雞(訂咗飛又no show),好彩今次又執到。
跟住喺B5閘口上車
約行個半鐘巴士就去到富士急樂園
嘅富士急樂園望到半積雪嘅富士山,我覺得半積雪嘅富士山係最靚嘅
巴士再行15分鐘就去到河口湖駅
喺個駅買咗周遊巴士券,可以兩日內任搭環湖嘅周遊巴士
架河口湖周遊巴士行到去「富ノ湖ホテル(富之湖酒店)」,又望到富士山嘞
依個位最出名係見到到「逆富士」,即係睇到富士山嘅倒影。不過今日有風,湖面有波浪,睇唔到吖。
約坐30分鐘,就去到河口湖自然生活館
首先行去花街道睇吓
行冇花嘅「花街道」,春、夏應該會好靚
又係冇花嘅「花富士」
行到花街道尾可落去湖邊睇吓
喺湖邊執起咗一嚿未溶晒嘅冰
喺河口湖自然生活館食藍莓雪糕
生活館前面係大石公園,有一大片薰衣草花田,不過冬天冇花睇吖
跟住搭番周遊巴士去カチカチ山(天上山公園)
喺「カチカチ山ロープウェイ」搭吊車上山,喺佢個網站可以Download定手機割引券,買飛時喺係嘅售票機嘟一吓就有9折架嘞。
天上天公園都係以日本童話「カチカチ山」嘅故事嚟佈置,故事大慨係有一對老夫婦救咗一隻狸貓,但後來狸貓恩將仇報,將婆婆害死,後來由白兔幫老公公復仇。
山上有一個牌描述日本著名小說家太宰治曾喺河口湖住過一段時間,而他亦曾改編「カチカチ山」為短篇小說,並收錄在「お伽草紙」一書中
不過今日山上山公園爆咗水管,好多地方都封咗,冇得睇
「たぬき茶屋」即係狸子茶屋
天上の鐘
喺山上嘅展望台望向河口湖
依度望向富士山好靚
睇完之後就返河口湖駅搭富士急行巴士返東京駅
跟住一齊行落地下街嘅Jump shop買動漫嘢
日本D電視台,好似富士、NHK、朝日.....都好鍾意開專門店,sale佢哋嘅自家產品,東京駅嘅地下街都有幾間。
東京駅係一個百年車站(1914年開幕),車站内外古色古香,2003年更獲日本政府登錄為重要文化財。
跟住上埋去KITTE6樓嘅展望台影吓,我覺得依個位影東京駅全景最正!
用埋魚跟和長時間曝光就仲正!
KITTE嘅商場,由原本嘅郵政大樓改裝而成,室內設計係建築大師隈研吾操刀,玻璃嘅天幕引入自然光,配合每一層嘅主題,好值得慢慢欣賞吓。
我哋今晚喺KITTE商場B1嘅「本家あべや」,食秋田比內地雞,店舖喺秋田縣有自家農場,養殖比內走地雞(類似清遠走地雞)。不過又真係幾好食。
媽咪叫咗個親子丼
我同芊芊叫咗個雞鍋
食到差唔多完就追加白飯,然後煮成雜炊
再追加烏冬
食完就返新宿攞行李搬酒店,又見到兩處「君の名は(你的名字)」嘅場景
攞完行李就搭山手線去上野入谷口Super Hotel,不過原來上野駅好大,跟住D指示行上行落成10分鐘先去到入谷口,再行5分鐘先到酒店。
今晚我哋住嘅3人房好大(比平時嘅房大成倍),有個客廳仔,打開個喼執行李一流。
留言列表