2016年6月1日,今朝出去行猶太人區,依間係舊新猶太會堂(The Old-New Synagogue),始建於13世紀,後來16世紀擴建,合拼後稱為舊新猶太會堂,係歐洲仍在使用中嘅最古老猶太會堂。
舊新猶太會堂旁嘅猶太人地區會堂(Jewish Town Hall),猶太地區會堂最出名係佢兩個鐘,在鍾樓上的一個係羅馬數字,而下面的一個仔希伯來數字,並且逆時針方向排列,因為希伯來文是從右向左睇
舊猶太人公墓(Old Jewish Cemetery),前面係一座新羅馬式猶太教堂
猶太人嘅風俗,不得破壞猶太人墓地,特別是不允許搬走墓碑,所以墓地係一層叠一層,墓碑的數量和埋葬在那裡的人數無法確定,據估計,目前發現大約有12,000個墓碑,可能有多達10萬人的墓葬。
布拉格嘅卡夫卡餐廳,據說依度原本係卡夫卡嘅出生地方,依家改咗做餐廳
睇完猶太區,就行去舊城區買吓手信,用埋D捷克克朗先,依間Koh-i-Noor Hardtmuth嘅顏色筆好出名
依款彩色筆好多台灣人買,我哋都買咗比芊芊同媽咪
Koh-i-Noor Hardtmuth顏色筆店隔籬有間Botanicus有機產品店,佢哋嘅手工皂都仔多人買
我哋都買咗D比媽咪
攞埋行李搭地鐵去布拉格火車站
我哋就搭依架火車去柏林
上火車前買定嚟緊三日嘅早餐,因為柏林嘅酒店唔包早餐(窮遊冇辦法啦)
經過四個半鐘車程,到咗柏林中央火車站
跟住行去酒店InterCityHotel Berlin Hauptbahnhof攞房
間房都幾好吖,雖然唔包早餐,但係依間酒店包埋city ticket,我哋住三晚就包足四日,到處去都唔洗比車錢,慳唔少架
酒店門口有隻柏林熊,出街前同佢影吓先
柏林D交通燈好得意
我哋經過施普雷河(Spree River),行去國會大廈
行到去國會大廈,有班土耳其人喺度示威,不過寫德文,唔知寫乜
德國國會大廈,1894年建成,當時係德意志帝國嘅帝國議會。第一次世界大戰後成為威瑪共和國嘅共和國議會,1933年發生神秘嘅國會縱火案後,當時威瑪共和國總理希特拉宣布全國進入緊急狀態,終止憲法,國會亦廢棄。二次世界大戰後,東、西德各自有自己嘅議會。1990年兩德統一後才復修,1999年復修完成後再次成為德國聯邦議院的會址。
我哋喺國會旁嘅登記處登記參觀國會大廈,排期6月3日早上8:30
嚟到勃蘭登堡門(Brandenburger Tor),又有一班土耳其人在示威
喺示威人羣中竟然有一面「東突厥斯坦」旗
勃蘭登堡門,象徵著普魯士王國的崛起和德意志帝國成立和興盛,亦曾經成為德國分裂、歐洲分裂和冷戰的象徵,最後又成為了德國重新統一和歐洲重新統一的象徵。不過依家背光,等明天再影過
跟住見仲有光,搭地鐵去Checkpoint Charlie 睇吓先
依度係以前冷戰時期東西柏林嘅邊境檢查站,當時叫C檢查站,通常叫Checkpoint Charlie。東西德統一後曾經拆除,但後來有人重新搭建成旅遊景點,只要比四蚊歐元仲可以喺本passport度蓋個以前西德同東德嘅出入境印章
由西柏林往東柏林嘅告示牌
查理檢查哨博物館(Museum Haus am Checkpoint Charlie),係展示冷戰時期成功逃離東德的人們的照片和記錄,以及用來逃出的工具。
前東德嘅國徽同正式國名:德意志民主共和國(Deutsche Demokratische Republik),通常將民主同人民掛喺門口都唔謊好嘢。
Checkpoint 隔籬有間賣著名嘅柏林咖哩腸
D咖哩腸只係少少辣,幾好食,唔錯
食完D嘢就要放落垃圾桶呀
喺Checkpoint Charlie隔籬仲有個柏林圍牆紀念館,不過依家太晏閂咗門,冇得睇
皓怡整返個紀念章先走
睇完就搭地鐵返柏林火車站
喺火車站食晚餐
留言列表