2016年5月26日，我哋間房原來有個露台，仲可以望到布達佩斯火車站(東站)
今朝早餐係酒店包埋嘅
行出酒店過馬路後就係火車站，但係站內嘅ATM機同銀行都係撳唔到錢，唔通全日要碌卡？
火車站內D壁畫好靚
我哋去BKK買24小時交通卡，HUF1,650一張，碌卡找數。跟住搭地鐵去Batthyány tér站
出站後望向對面河邊就見到屬佩斯區嘅國會大廈，布達佩斯以流經市內嘅多瑙河為分界，左邊屬布達區，右邊叫佩斯區
另一邊就喺聖安娜教堂(Szent Anna templom)
仲有間Batthyany Square Market，入面有間好大嘅超市SPAR，好多嘢賣架
跟住由喺Batthyány tér站行上漁夫堡，途中見到有間otpbank嘅提款機，又試吓張提款卡，終於攞到錢啦
大約行十分鐘就到漁夫堡啦
咁靚嘅漁夫堡歴史其實唔係太耐，只係1905先建成，仲喺二戰時被盟軍炸毀(因為匈牙利當時係軸心國成員)，戰後先重建。
這裏原是布達皇宮旁嘅山丘，中世紀時由漁夫在這裏巡邏，守護着下面的多瑙河
漁夫堡廣場上聖史堤芬一世(Saint Stephen I)嘅騎馬銅像，係佢匈牙利王國建國嘅國王
好似枝刨尖鉛筆嘅白色巨塔，在漁夫堡上共有七個
位於廣場中心嘅馬加什教堂(Matthias Church)
喺漁夫堡可以望到多瑙河同對岸嘅佩斯區
對岸嘅國會大廈
跟住我哋行去參觀教堂
這座馬加什教堂，正式名稱是聖母教堂，始建於1015年。目前的哥德式建築是15世紀由匈牙利國王馬加什一世改建的，所以稱為馬加什教堂，係以前匈牙利國王嘅加冕場地。1541年匈牙利被鄂圖曼帝國入侵期間，被改為清真寺，1686年鄂圖曼帝國被奧地利哈布斯堡王朝擊敗後才變回教堂
教堂內有藝術博物館內展示匈牙利的皇室珍寶
其中最得意嘅係皇冠上嘅十字架你斜嘅，傳說係有次國王在逃亡時整斜咗，但後來又冇整番。依家匈牙利嘅國徽都有喱個斜皇冠架
奧匈帝國皇帝弗朗茨·約瑟夫一世之妻子的伊麗莎白皇后(茜茜Sisi)石像，被歐洲人稱為「世界上最美麗的皇后」，很受匈牙利人民愛戴
之後睇埋旁邊嘅三位一體紀念柱(即係黑死病紀念柱)
跟住行上197級石級嘅教堂高塔
上尖塔途中會有休息點，有展出關教堂的物品
教堂嘅滴水口
行到上塔頂啦
喺依度睇布達佩斯市最好，連多瑙河中嘅Margaret island都睇到
多瑙河另一角度，可以見到建成於1849年的鏈橋(Chain Bridge)，是九條連結布達和佩斯的橋樑中最古老的一條
行完漁夫堡就行去附近嘅布達皇宮，途中經過(Sándor Palace)，即係現時嘅總統府，啱啱見到衛兵換班儀式
總統府旁有纜車落山
布達皇宮又名布達城堡(Buda Castle)，始建於13世紀的匈牙利王國，但16世紀被鄂圖曼帝國入侵期間，被改作軍營，17世紀鄂圖曼帝國被奧地利哈布斯堡王朝擊敗後重建成巴洛克式，1987年布達城堡和城牆被聯合國教科文組織列入世界文化遺產。
現時係美術館同博物館，我哋嚟嘅時候做緊畢加索展，不過藝術嘅嘢我識條鐵咩？所以冇入去睇。
布達城堡廣場上的奧地利歐根親王銅像(Prince Eugene of Savoy)，紀念佢1686年擊退佔領匈牙利百多年嘅鄂圖曼帝國
布達城堡廣場望向多瑙河，風景優美
布達皇宮嘅後花園
馬加什國王噴泉(Matthias Fountain)，描述馬加什一世獵鹿的情景，馬加什一世統治時期(1458年-1490年)係匈牙利最強盛時期，吞併了半個奧地利同整個波希米亞(捷克)，兼獲得波希米亞國王的稱號
布達皇宮內廣場
行到熱喺布達城堡內食雪糕
食完雪糕就行落山去鏈橋睇冇脷獅子
隻獅子真係冇脷架
沿住鏈橋横過多瑙河後再穿過長廊，就去到聖史堤芬廣場(Szent István tér)
聖史堤芬廣場上嘅聖史堤芬大教堂(St. Stephen's Basilica)，高96米，與匈牙利國會大廈是布達佩斯最高的兩座建築，它完成於1905年，施工期長達54年
教堂門口嘅天花壁畫
我哋喺廣場上喺Bazilika Café and Restaurant食匈牙利牛肉湯(goulash)
好正！
食完就搭地鐵去英雄廣場
英雄廣場(Heroes' Square)係布達佩斯的主要廣場，建於1896年，廣場中心有千年紀念碑，係紀念匈牙利建國一千年，上有9世紀創建匈牙利的7個部落領袖，以及匈牙利其他歷史名人的雕像。2002年起登錄為世界文化遺產
碑頂的天使長加百列雕像
位於廣場左邊嘅布達佩斯美術博物館
右邊係布達佩斯藝術廳
藝術廳前有班鬼仔踩住啤酒車，又唱又跳唔知慶祝乜嘢？
跟住又塔地鐵去國會大廈，匈牙利國會大廈建成於1904年，係歐洲最古老的立法機構建築之一，位於多瑙河畔的自由廣場，在建築風格上屬新哥德式建築。最高處有96米高，長268米，最寬處123米，係匈牙利最大的建築物，也是歐洲第二大議會建築
國會大廈對面嘅布達佩斯民族學博物館
計好日落大正光時間，搭地鐵去Batthyány tér站影藍色多瑙河
去SPAR超市買定即食麵(因為下一站維也納嘅酒店唔包早餐)
喺歐洲買水最好買粉紅色蓋，因為其他色係加咗氣好難飲
我哋又搭地鐵去Vörösmarty tér站，然後去瓦茨街(Váci utca)食晚餐，瓦茨街好似旺角西洋菜街，好多嘢賣同食
我哋揀咗依間Leno Classic餐廳，因為佢有套餐食，Ft2990加埋20%稅同服務費，都唔洗100蚊港紙一個套餐，抵食
先嚟匈牙利牛肉湯同包
牛肉飯
雞肉飯
仲有Live band伴奏同飲品，抵到爛啦
食完晚餐就去影夜景，先影國會大廈
Chain Bridge
再上布達皇宮
喺布達皇宮前，有D市民跳社交舞
布達皇宮山上影多瑙河夜景
鏈橋後面就係聖史堤芬教堂
留言列表
