2015-04-10, 退房後就同東横Inn拜拜啦,不過一路行就一路落雨。
我哋行去天王寺駅搭JR嘅Haruka去新大阪(08:41→09:07),再轉山陽新幹線去福山(09:18→10:27),今日亦開始用関西、廣島JR五曰pass咯。
早上嘅天王寺駅好多人。
到咗福山駅就揾locker寄存行李先
車站外面就係福山城嘅石垣
一抬頭就見到福山城咯,真係方便。
不過今日唔好天,係咁落雨。
福山城始建於1622年,係日本100名城之一,但二次大戰時天守閣被美軍炸毀,現時的天守是戰後重建的。
原本想嚟睇名城襯櫻花,不過係咁落雨,櫻花都打爛晒啦。
現時福山城係博物館,正在做緊日本刀嘅展覽,不過我就唔識睇,覺得D刀把把咪差唔多?
最後我哋行咗天守閣最高層睇吓風景啦。
睇完之後就行返去福山駅搭JR山陽本線去尾道(11:49→12:08)
喺尾道站後面嘅山上面有個建於1966年嘅假古董"尾道城",不過比人鬧得多,現時已經關閉同荒廢咗二十幾年啦。
係咁落雨,我哋去咗依間「喰海」食尾道拉麵先
依間喰海都好多名人嚟過,仲簽埋名添
D嘢又唔係貴喎
媽咪依個餃子套餐都係830円
我依個炒飯套餐都只條930円咋,個炒飯超好食!
食飽就行去睇天寧寺,沿途見到20世紀初日本女作家林芙美子(之前我聽都未聽過佢個名,但好似話喺日本好出名)嘅銅像,佢係成長於尾道市。二次大戰時曾以記者身分到中國採訪和報導,,但都係唱好日軍居多,所以亦引起不少批評。
跟住行商業街尾道本通
尾道出產嘅帆布好出名,尾道本通都有好多舖頭賣帆布袋,不過都幾貴吓。
行完尾道本通就繼續向天寧寺方向行,沿住條火車軌行就得。
到咗天寧寺嘅路口,就穿過火車軌底就係天寧寺
不起眼嘅天寧寺山門
係咁落雨,真係煩
本堂前嘅枝垂櫻開得好靚,如果有太陽就好啦。
我哋行入去本堂內嘅大殿參拜同影吓相啦
睇完天寧寺就行去艮神社,據說係尾道市最古老嘅神社,有近千二年嘅歴史。這裏亦係電影「穿越時空的少女」其中一幕的拍攝場地。
神社旁嘅大楠樹已經900歲啦
吊車山頂駅嘅站長,係一隻貓
吊車山頂站有個展望台,可以望到尾道市全景同對面嘅向島,同埋中間嘅尾道水道(屬瀨戶內海的一部分)。
千光寺公園同中間嘅尾道市立美術館
跟住行落去千光寺公園睇櫻花。
不過D櫻花比一場雨打到爛晒啦,依道係全國賞櫻一百名所喺架,陰功。
連公園入面嘅小販都冇開檔
千光寺公園入面嘅尾道市立美術館,一睇幅清水混凝土外牆,就知係安藤忠雄嘅設計啦。
雖然美術館唔收入場費,但美術嘅嘢,我識條鐵咩,梗係冇入去睇啦。跟住就行文學の小徑落千光寺。
文學小徑沿途D石碑,刻有D尾道市嘅作家嘅文學作品或者D作家嘅舊居,串連到千光寺。
唔識睇文學嘅嘅唔緊要,因為中途D風景都好靚架。
估唔到有千二年歴史嘅千光寺入口,竟然係咁。
三十三觀音堂
千光寺嘅本堂,原來依度D繪馬竟然係鬆弛熊嚟架。
鐘樓
睇完千光寺就去行貓の細道
喺貓の細道上可以見到天寧寺嘅三重搭
貓の細道本來係尾道山路上嘅一係又斜又窄嘅路仔,因為冇車到所以好多流泿貓在這裏出沒,1998年有人在這裏放低咗一百隻福石貓,成為喜愛新鮮嘅日本妹話題,個個都話要睇貓の細道喎。
日本妹又嚟揾貓啦
福石貓
行完貓の細道就行返出尾道駅,喺火車站附近嘅生果店見D士多啤梨好靚,買定D一陣搭車食先。
媽咪見到依間D布甸都好得意,又買D嚟食。
去到尾道駅搭JR返福山駅(16:54→17:13)
喺福山駅搭山陽新幹線去廣島(17:28→17:52)
我哋今晚住東横Inn広島新幹線口
放低行李後,搭広島市電去紙屋町行街同食嘢。架電車上有男車掌,不過唔係賣車飛,而係唱散紙比D乘客,等佢哋可以落車時入錢。
我哋行咗一陣,但原來廣島D商場八點收舖,媽咪買咗少少衫就要走囉,慳番唔少。
我哋本來想食和民,不過冇位,最後去咗食一蘭算數。
依間一蘭原來有一層叫一蘭屋台,同傳統嘅毒男位唔同,兩個人可以一齊食。
不過D麵都係咁細碗,我梗係要「替玉」啦,即係加底先夠喉。
媽咪要多個綠茶布甸
我今晚嘅宵夜
留言列表